Astelehenera arte egin ahalko da matrikula Loinatz musika eskolan
Beasaingo Loinatz musika eskolan ireki dute matrikula egiteko epea. Aurtengo ikasturtean musikarekin lotutako ikasketak egin nahi dituenak Loinatz musika eskolak Loinazko San Martin plazan duen bulegora joan behar du izenena ematera, 09:00etatik 13:30era bitartean. Astelehena, irailak 5, izango da eskoletan izena emateko azken eguna. Hainbat musika tresna jotzen, musika lengoaia, informatika musikala, musikaren historia, musikaren analisia, eta musikarekin lotura duten ikastaro bereziak egiteko aukera egongo da. Hainbat musika taldetan eta orkestra ezberdinetan jotzeko aukera ere izango dute ikasleek, eta kontzertuak, kantaldiak, entzunaldiak… antolatuko dituzte. Musika eskolako arduradunek jakinarazi dutenez ordea, gitarra, perkusioa, trikitixa, biolina eta kantua ikasteko lekurik ez dago dagoeneko. Gainerako ikasgaietan ere ikasle kopuru mugatua onartuko dute, beti ere izen emate ordena errespetatuz. Izena ematen duten ikasleek datorren astean hasiko dituzte 2011-2012 ikasturteko eskolak. Datorren asteartean, irailak 6, ordutegien banaketa egingo dute 17:00etan, eta eskolak hurrengo egunean hasiko dituzte, irailaren 7an, asteazkenean. Informazio gehiago jasotzeko musika eskolara jo behar da. Telefonoz, 943 02 81 05 zenbakira deituta ere jaso daiteke informazioa, edo musikal@beasain.net helbidera mezua bidalita.
Beasaingo Loinatz musika eskolan ireki dute matrikula egiteko epea. Aurtengo ikasturtean musikarekin lotutako ikasketak egin nahi dituenak Loinatz musika eskolak Loinazko San Martin plazan duen bulegora joan behar du izenena ematera, 09:00etatik 13:30era bitartean. Astelehena, irailak 5, izango da eskoletan izena emateko azken eguna.
Hainbat musika tresna jotzen, musika lengoaia, informatika musikala, musikaren historia, musikaren analisia, eta musikarekin lotura duten ikastaro bereziak egiteko aukera egongo da. Hainbat musika taldetan eta orkestra ezberdinetan jotzeko aukera ere izango dute ikasleek, eta kontzertuak, kantaldiak, entzunaldiak… antolatuko dituzte.
Musika eskolako arduradunek jakinarazi dutenez ordea, gitarra, perkusioa, trikitixa, biolina eta kantua ikasteko lekurik ez dago dagoeneko. Gainerako ikasgaietan ere ikasle kopuru mugatua onartuko dute, beti ere izen emate ordena errespetatuz.
Izena ematen duten ikasleek datorren astean hasiko dituzte 2011-2012 ikasturteko eskolak. Datorren asteartean, irailak 6, ordutegien banaketa egingo dute 17:00etan, eta eskolak hurrengo egunean hasiko dituzte, irailaren 7an, asteazkenean.
Informazio gehiago jasotzeko musika eskolara jo behar da. Telefonoz, 943 02 81 05 zenbakira deituta ere jaso daiteke informazioa, edo musikal@beasain.net helbidera mezua bidalita.
