Ikasturte berriko ikastaroetan izena emateko epea ireki dute Legazpin
Irailarekin batera ikastaroak hasiko dituzte Legazpin. Lehena marrazketa ikastaroa izango da, irailaren 7an hasiko dutena. Uztailean ireki zuten izena emateko epea, baina lekua egonik, oraindik ere aukera zabalik utzi dute. Egur taila ikastarorako izen...
Irailarekin batera ikastaroak hasiko dituzte Legazpin. Lehena marrazketa ikastaroa izango da, irailaren 7an hasiko dutena. Uztailean ireki zuten izena emateko epea, baina lekua egonik, oraindik ere aukera zabalik utzi dute.
Egur taila ikastarorako izena emateko aukera, berriz, bihar irekiko da. 8an itxiko dute epea eta hilaren 12an, aldiz, hasiko dituzte eskolak. 30 ordutako ikastaroa izango da, astelehenetan egingo dituzte eskolak, eta ordu eta erdiko saioak izango dira. Hiru ordutegi jarri dituzte aukeran eta interesa duenak kultur etxean eman dezake izena.
Irailaren 5ean eskulanetako ikastaroan izena emateko epea irekiko dute, 23ra arte. Ikastaro hau urrian hasiko dute eta ekainera bitartean luzatuko da. Eskolak astearteetan eta ostegunetan egingo dituzte, 15:00etatik 17:00etara. Kultur etxean eman daiteke izena.
Josteko lan txikien ikastaroa ere hasiko dute urrian Legazpin. Botoiak josten, azpiak hartzen, kremailerak josten… irakatsiko dute. Ikastaroa asteazkenetan egingo dute,. 14:30etik 16:30era eta hemen ere, izena emateko kultur etxera joan beharko da.
