San Martin eguna igandean ospatuko dute Astigarreta auzoan
San Martinen omenezko eguna bihar bada ere, Beasaingo Astigarreta auzoan igandean egingo dute festa. Antza, giro ederrean igarotzen dute festa eguna auzoan, eta aurten ere, ohiko egitaraua prestatu dute, ohiturak mantenduz. Meza nagusian Beasaingo San ...
San Martinen omenezko eguna bihar bada ere, Beasaingo Astigarreta auzoan igandean egingo dute festa. Antza, giro ederrean igarotzen dute festa eguna auzoan, eta aurten ere, ohiko egitaraua prestatu dute, ohiturak mantenduz.
Meza nagusian Beasaingo San Martin koruak saioa egingo du, auzotarrekin batera hainbat abesti elizkoi abestuz. Mezaren ondoren hasiko dira aizkolariak lanean. Aurten, Iñaki Azurmendi txapeldun arriarandarra eta Olasagasti ariko dira aizkoran, auzotarren eta gainerako festazaleen aurrean. Astauzel elkartean egingo duten herri bazkariaren aurretik eta ondoren, Mañukorta, Zeberio eta Goikoetxea beasaindarra bertsotan ariko dira. Saio nagusia bazkal ostekoa izango da, elkartean bertan egingo dutena.
Egun guztian zehar, berriz, Laja eta Landakanda trikitilariek auzoko festa alaituko dute trikiti doinuekin.
EGITARAUA:
– 11:30. Meza nagusia.
– 12:30. Aizkolarien saioa.
– 13:30. Herri bazkaria. Ondoren bertsolarien saioa.
– Goizean eta arratsaldean. Trikitilarien saioa.
