Gailurrerantz elkarteak urteko batzar nagusia igandean egingo du
Zaldibiako Gailurrerantz mendi elkarteko zuzendaritzak dei egin die bazkide guztiei, igandean urteko batzar orokorra egingo dela iragarriz. Zubi Buru elkartean da bilkura, 16:30ean. Landuko dituzten gaiei buruz, gai zerrendatik bi aipagarri aurreratu...
Zaldibiako Gailurrerantz mendi elkarteko zuzendaritzak dei egin die bazkide guztiei, igandean urteko batzar orokorra egingo dela iragarriz. Zubi Buru elkartean da bilkura, 16:30ean. Landuko dituzten gaiei buruz, gai zerrendatik bi aipagarri aurreratu ditu zuzendaritzak. Batetik, Oiduiko txabolaren berri emango dute; bestetik, 2012rako egitaraua osatuko dute. Bazkideei batzarrera joatearen garrantzia gogorarazi die zuzendaritzak, “batez ere aurtengo egutegia egiteko garaian proposamen ezberdinak aztertu nahi direlako”. Mendiko federatu txartelak ateratzeko edo berritzeko azken aukera igandean emango du Gailurrerantzek, batzarraren bukaeran.
