Beasainek puntu bat urratu du Zalla liderraren zelaian
Beasain futbol taldeak bana berdindu du asteburuan, hirugarren mailako liderra den Zallaren kontra. Partida parekatua izan zen, eta hasieran behintzat, bietako inor ez zen joko aldetik gailendu. Bigarren zatian, etxekoek gehiago estutu zuten, eta 71. m...
Beasain futbol taldeak bana berdindu du asteburuan, hirugarren mailako liderra den Zallaren kontra. Partida parekatua izan zen, eta hasieran behintzat, bietako inor ez zen joko aldetik gailendu. Bigarren zatian, etxekoek gehiago estutu zuten, eta 71. minutuan, Sergiok egin zuen lehen gola. Pozak ez zien askorik iraun, zortzi minuturen buruan, Olaizolak berdinketaren gola egin baitzuen beasaindarrentzat. Partida bukatzear zela, 90. minutuan, epaileak bigarren txartel horia atera zion Garmendiari, eta hamar gizonekin bukatu zuen partida Beasainek. Berdinketari esker, puntu bat ekarri du Beasainek Zallatik, eta oraindik ere, igoera faseko postuetarako borrokan jarraitzen dute. Seigarren postuan daude orain, 39 punturekin. Zalla eta Gernika berdinduta daude lehen postuan, 46 punturekin. Barakaldok 43 ditu eta Laudiok eta Portugaletek 42.
