"Burujabetza" eskatu dute langileek Tolosan
LAB sindikatuak deituta, maitzaren bateko mobilizazioen barruan Tolosan egin duten manifestazioan parte hartu dute Goierriko hainbat langilek. Langileon Euskal Herria helburu; lotu borrokari lemapean egin dute manifestazioa eta “bestelako Euskal Herri bat eraikitzeko beharra” azpimarratu dute.
Inposaketen, murrizketen, eta erreformen aurkako oihuak ere entzun ahal izan dira eta egungo egoeraren aurrean “bide bakarra Euskal Herria eta euskal herritarrak burujabeak” izatea dela azpimarratu dute.
