Lazkaotarrek azken festa egunaz gozatu dute
Gaurkoarekin amaituko dira aurtengo Sanprudentzio jaiak Lazkaon. Eguraldia lagun, jende ugari ibili da Lazkaon eguerdi partean, asteartea izan arren jai eguna zela aprobetxatuz. Igeriketa lehiaketa, bakailo lehiaketa eta Urrezko Aizkora proba egin dira besteak beste.
Lazkaomendiko Lartxai Baserritar Elkartekoek irabazi dute bakailo lehiaketa eta Urrezko Aizkora proban berriz Floren Nazabal eta Iñaki Azurmendik lortu dute hurrengo jardunaldira pasatzeko txartela.
