Erakusleihoak festarako egokitzeko deia egin die Bareakek merkatariei
Loinatz jaiak direla eta, herriko dendetako erakusleihoak apaintzeko deia egin die Bareak elkarteak herriko merkatariei. Herriko jaiekin lotutako gairen bat hartu eta erakusleihoa girotzea eskatzen diete. Gero, herritarrek aukeratuko dute zein den erak...
Loinatz jaiak direla eta, herriko dendetako erakusleihoak apaintzeko deia egin die Bareak elkarteak herriko merkatariei. Herriko jaiekin lotutako gairen bat hartu eta erakusleihoa girotzea eskatzen diete. Gero, herritarrek aukeratuko dute zein den erakusleihorik onena.Ekimenean parte hartzeko Bareak elkartearekin jarri behar da harremanetan.
Bareak elkarteko zuzendaritzak azaldu duenez, «erakusleiho edo dendaren irudi originalena duten komertzioek saria jasoko dute». Baina sariaz gain, dendariek aukera hori aprobetxatu egin behar.dutela uste du Bareak elkarteak, bide batez, denda bera ere «jendearentzat erakargarriago» egiteko.
Botoa emateko aukera
Erakusleiho lehiaketan, botoa emateko eta dendarik dotoreenak zein diren esateko aukera izango dute herritarrek. Horretarako, Bareak elkarteko dendetan edo festetako programarekin batera banatuko duten kupoia bete eta denda horietako batean bota behar da, maiatzaren 18a baino lehen. Botoa ematen dutenen artean, herriko dendetako produktuekin osatutako saski bat zozkatuko dute.
