San Pedro jaiak ospatzen ari dira Mutiloan ostegunaz geroztik, eta azken asteetan bezala, ospakizuna eta festa aldarrikapenarekin lotu dute oraingoan ere autopista elektrikoaren aurkakoek. Atzo gero eta jende gehiago erakartzen duen sagardo dastaketa egin zuten frontoian, eta zintzurra bustitzen hasi aurretik, pilotalekuaren kanpoan elkartu ziren goi-tentsioko linearen aurka. Goierriko hainbat herri zeharkatuko dituen autopista elektrikorik ez dutela nahi salatu zuten atzo ere dozenaka lagunek, eta frontoian ere euren aldarrikapenaren aldeko hainbat ikur ikus zitezkeen. Gaur ere bertan jarraitzen zuten pilotalekuko pankartek, izan ere, festa guztietan zehar euren desadostasuna agertzen jarraituko dute mutiloarrek. Gaur, gazte bazkaria eta haurrentzako jolasak dituzte, besteak beste, eta arratsaldean ardoa banatuko dute plazan. Elkarrekin herri afaria eginez afalduko dute mutiloarrek, eta hala egitea erabaki dutenek, mozorrotuen gauean ere egunerokotasunetik irten eta mozorroa jantzitakoek festa egingo dute. Txerrigorriak izanik, txerririk ezin falta jaietan, eta gauean, txerri harrapaketa egingo dute 23:30ean. Musikarako tartea ere egongo da gaur, Egurra eta Kitto eta Kupela taldeek kontzertua egingo baitute. Rock-ska eta trikiti musikak jarriko du giroa behin eguzkia izkutatzen denean. Bihar izango da jaietako azken eguna (egitaraua ikusteko sartu GOIERRIKO HITZAren festen webgunean)
San Pedro festak ospatzen ari dira egunotan Beasaingo Arriaran auzoan, eta zaindariaren egunean, San Pedro egunean, karta jokoan aritu ziren hainbat auzotar. Gizonezkoak musean aritu ziren, eta Periko Mujika eta Martin Mendizabal izan ziren garaileak. Emakumeak, berriz, punttuan aritu ziren, eta Bittori Garmendia eta Modesta Mintegi izan ziren irabazleak.
Ordiziako udal gobernuak lehenengo urte honen gaineko balorazio orokorra egiteko prentsaurrekoa egin du gaur goizean. Igor Eguren alkateak esan duenez, “Bildu ez zen kudeaketa hutsa egiteko asmoarekin etorri. Helburua zenbait gauza aldatzea izan da”. Egin dituzten aldaketa garrantzitsuenen artean, herritarren parte hartzea bultzatzeko politika, udalaren kontrol politikoa areagotzekoa eta udala herriari zabaltzeko egin den ahalegina azpimarratu ditu. Eduki aldetik egin dituzten zenbait aldaketa ere nabarmendu ditu. Zementuari baino, pertsonei eman dietela lehentasuna esan du. Hortik, gizarte politika indartzeko egin den ahalegina. Elkarlanean lan egitea izan da Bilduren beste helburuetako bat, baina EAJk eta PSE-EEk “oztopoak jarri” dizkietela gaineratu du. Belen Maiza alkateordeak hartu du hitza ondoren, eta azken urte honetan, sailez sail egin den kudeaketaren eta jarraitu diren politiken berri eman du. Gizarte politiken alorrean, San Jose adinekoen egoitza eta eguneko zentroa “Gipuzkoako Foru Aldundiak bere esku hartu ditzala da udal gobernuaren erronka nagusia”, adierazi du. Aurten martxan jarri den berdintasun batzordea, immigranteen kopurua aintzat hartuta sortu den harrera sarea, edo lehendik egin bazegoen aholkularitza batzordeari eman zaion jarraipena ere aipatu ditu. Orokorrean, gizarte politiken alorrean, aurrekontuan “doikuntza” batzuk egin behar izan dituzten onartu du, baina murrizketa hauek ez dutela “beherakada nabarmenik” suposatu ere gaineratu du. Egingo dituzten politika guztietan [...]
Harrigarriak dira datuak. Olaberriak, 936 biztanleko herriak, lau txapela ditu Gipuzkoako Herriartekoan, pala modalitatean. Jokatutako final guztiak irabazi dituzte. Azkeneko hamabost ekitaldietan urtero-urtero atera du taldea, 1998tik, hutsik egin gabe. Bosgarren txapela bururatzeko ere aukera dute, gainera, finalean baita berriz. Halako palmaresa Donostiak eta Errenteriak besterik ez dute, haiek bosna garaipen dituztelako. Hain zuzen, Olaberriak biharko finalean Donostia du aurkari. Errenteria, berriz, final-laurdenetan irentsi zuten, 3 eta 1. Debako Aldats frontoian ariko dira, bihar goizean. Berriki han jokatuak dira goierritarrak, finalerdietan Deba izan zutelako arerio; hura ere 3 eta 1 kanporatu zuten. Herrian, eskuz baino gehiago jokatzen da palaz; motzean zein paletan. Olaberriko palari taldeak dauka, inondik ere, errua. Tradizio luzea du pilota jokamoldeak Olaberrian; Herriartekoan ateratako lau txapelek ere lagundu dute afizioa suspertzen. 2003an, 2004an, 2005ean eta 2007an izan zen txapeldun. Oraingoz. Hogei urteko ibilia lehiaketan Palari ez ezik, Herriartekoari ere estimu handia diote olaberritarrek. «Guretzat txapelketa hau oso berezia da», aitortu du Garikoitz Arrietak, herrenkadako hiru txapelen jabeetako batek eta egungo taldekide ere badenak. Eskuzkoaren senide txiroa da pala, zestarekin batera. Palako Herriartekoak eskuzkoaren bizitza erdia du: aurten 22. aldia, eskuzkoak 44. urtea duen bitartean. Partaidetzaz ere apalago dabil, orokorrean: eskuz 18 herrik parte hartu dute, palan hamarrek, [...]
Ataungo Udalak uztailaren lehenetik aurrera kobratzen hasiko zaie San Martin auzoko plazan dagoen lurpeko aparkalekuaren erabiltzaileei. Eguneko (08:00-20:00) eta gaueko (20:00-08:00) ordutegiak bereizi ditu, ordu-tarteen salneurrirako. Lehen ordubetea...
Igor Esnaola eta Arrate Garin segalari legorretarrak Gipuzkoako Azkartasuneko Sega Txapelketan lehiatuko dira, etzi, Zizurkilen, 18:00etan. Gizonezkoen sailean, partaide 11 kirolari dira guztira, tartean Esnaola. 100 metro koadroko bi sail ebaki behark...
Beti Gazte jubilatu elkarteak herriko erretiratu eta bazkide guztientzat moduko irteera prestatu du, gaurko. Larraitzera joango dira, 12:30ean plazatik irtenda, autobusean. Larraizko ermitan meza entzun, eta Abaltzisketa aldera ibilaldia egingo dute, b...
Ordiziako errugbizale talde batek antolatutako II. Errugbi Tokata txapelketa jokatuko da bihar, hilak 30, Altamira zelaian, 11:00etan hasita. Sei jokalariz osatutako taldeek har dezakete parte txapelketan –finalean zazpi lagunek–. Partida bakoitze...
Gaur jokatu dute fútbol zazpi txapelketako finala, eta Futbol Comedy taldeak irabazi du. Urtatza Racing taldea izan du aurkari eta 1 eta 0 irabaztea lortu du txapeldunak, Andoni Pastriainek egindako golarekin. Egun osoan zehar egin dute festa futbol 7 txapelketa aitzakia hartuta, goizetik hasi eta iluntzera arte. Goizean 3. eta 4. postuak erabakitzeko partida jokatu dute Burkina Faso eta Makabi de levantar taldeek, eta 3-2 emaitzarekin Burkina Faso taldeak lortu du garaipena. Beraz, Legazpiko 5. Futbol Zazpi Txapelketako lehen lau postuak honela geratu dira: laugarren postuan Makabi de Levantar, hirugarren Burkina Faso, bigarren Urtatza Racing eta txapelketako garailea Futbol Comedy. Ez dira horiek izan, ordea, banatu dituzten sari bakarrak. Futbol Comedy taldeko Andoni Pastriainentzat izan dira aurten Pitxixi Saria + Ibargutxi Kirolak saria eta Aiztonagako Trigrea saria eta Oskarbi Optika saria. Futbol Comedy taldeak Azpikoetxea jatetxean afaria irabazi du, gaur gauerako. Taldekide gutziak bertan izango dira garaipena ospatzen, eta txapelketako gainerako parte hartzaile guztiek txapelketako oroigarri bana jasoko dute. Futbola baino gehiago Gaur Legazpin futbolaz baino gehiago gozatzeko aukera izan dute. Izan ere, egun osoko festa egin dute, goizean partidak jokatzeaz gain eguerdian bazkaria egin baitute azokan. Guztira, 600 lagun elkartu dira bazkari herrikoian. Arratsaldean, elkarrekin joan dira denak futbol [...]
Goizean hasi eta orain minutu gutxira arte, II. Errugbi Tokata Txapelketa Herrikoia jokatu dute Altamirako zelaian. Guztira, 14 talde zeuden izena emanda, eta azkenean, irabazlea, Perla taldea izan da. Goierrin errugbiarekiko zaletasuna ez da berria, baina azken urteetan nabarmen egin du gora zaletu kopuruak. Horren adibide, Ampo-Ordizia taldearen garaipenak ospatzen aritu diren ehunka eta ehunka zale. Jarraitzaile horiei guztiei kirol horretaz gozatzeko aukera eman nahi izan diete aurten ere, eta bigarren urtez errugbi txapelketa herrikoia egin dute, “ikusle-hesia gurutzatu eta kirol honetan parte hartzera gonbidatuz”. Goizean jokatu dituzte lehen partidak eta zelaian bertan bazkaldu dute taldekide guztiek. 14:30ean jarraitu dute txapelketarekin eta 16:30aldera jakin da talde txapeldunaren izena. Sari banaketa arratsaldean egingo dute, txapelketa antolatzen parte hartu duten tabernetan, poteoan zehar. Bertan jakingo dira zein diren sarituak, eta ondoren sari banaketa, Beti-Alai pilotalekuan egiten ari diren garagardo azokan izango da. 18:00etan irekiko dute azoka, eta gau-erdira arte egongo da irekita. Bihar, aldiz, eguerdian ere irekita egongo da. Guztira, 29 garagardo mota dastatzeko aukera dago. TOKATA FINALEKO IRUDIAK:
Zumarragako Santa Isabel jaiak ofizialki gauean pregoia irakurtzearekin bat hasiko badira ere, martxa hartzen hasita daude, goizetik. Euskadi plazan jarritako haurrentzako parkea...
Haurren mailetako pilota txapelketa entzutetsuenetako eta garrantzitsuenetako baten finala jokatuko du gaur gauean Iker Irribarria aramarrak. Elgetako (Gipuzkoa) lau t’erdiko hitzorduan ariko da, Jokin Altuna amezkatarraren aurka. ETB Kantxa Txapelketa gaur 22:00etan hasiko da, Elgetako pilotalekuan. Irribarriak bigarren finala du Elgetan. Duela bi urte, 13 urterekin eta infantil zela, kadetetako azkena jokatu zuen. Txapeldunorde geratu zen, bera baino bi urte zaharragoa den Elezkano II.aren ondotik. Iaz finalerdietara iritsi zen, eta, hain justu, Altunak kanporatu zuen. Gaurko buruzko burukoan atera lezake arantza. Bi aurkariek ondo ezagutzen dute elkar. Amezketako Zazpi Iturri elkartekoak dira, lehiaketetan eta entrenamenduetan batera arituak, Xalton Zabala entrenatzaile amezketarraren esanetara. Joko maila oso ona lortu du Irribarriak. 15 urte besterik eduki ez arren, juniorretan ere lanak ematen dizkie bera baino adintsuagoei. Aurten, besteak beste, Euskal Ligako txapeldun izan da, bikoteka, Xabier Tolosa anoetarrarekin. Elgetan oraindik eta gorago koka dezake sabaia, gaur.
San Benito ikastolan azken zortzi urteetan zuzendari izan den Armando Velezek kargua utziko du. Irailetik aurrera Josune Aranburu izango da. Velez 1991-92 ikasturtean hasi zen irakasle lanetan San Beniton. 2004-05ean izendatu zuten zuzendari, eta lau u...
Asteburu honetan, Philippe Falardeau zinemagile kanadarraren El profesor Lazhar filma eskainiko dute Usurbe antzokian. Argeliar jatorriko irakasle bat Montreal hiriko ikastetxe batera etorriko da. Ikasleen galderei erantzunez, bizitzaren eta heriotzar...
Ordiziako Udalak “etengabeko urratsak” emango ditu aurrerantzean Ordizia “zero zabor lurraldea bihurtzeko bidean”. Udalbatzak atzo onartu zuen atez ateko hondakin bilketa sistema lehenesten duen mozioa Bilduko zazpi hautetsien aldeko botoarekin. EAJko bost zinegotziek eta PSE-EEko bakarrak aurka bozkatu zuten. Aretoa bete-bete eginda zegoen. Goierriko 22 herrietatik mozio hori onartu duen zortzigarren herria da Ordizia. Onartutako mozioaren lehen puntuak jasotzen duenez, Ordiziako Udalak ahalik eta hondakin gutxien sortzeko azterketa abiatuko du Sasieta Mankomunitatearekin, eta bigarrenaren arabera, herriko familien artean konpostatze kanpaina zabala egitea adostu du mankomunitatearekin. Hirugarrenak honela dio: “Ordiziako Udalak ahalik eta gehien birziklatze aldera, emaitza onenak lortzen dituen hiri hondakinen bilketaren alde egiteko konpromisoa hartzen du, eta %80ko birziklatze maila lortzen ari den sistema bakarra atez ateko bilketa da egun”. Azkenik, Sasietarekin lan-batzorde bat sortzeko eskaera egin du. Oposizioa aurka Oposizioko bi alderdiek, EAJk eta PSE-EEk, mozioaren aurka bozkatu zuten. EAJko Jose Migel Santamariak kontramozio bat irakurri zuen (gai zerrenda ez zegoen, eta ez zen bozkatu), eta materia organikoa biltzeko bosgarren edukiontziaren aldeko jarrera adierazi zuen: “Indarrean dagoen hondakin bilketa sistemaren alde gaude. Uste genuen eztabaida hori gaindituta genuela. Guk bisio integral bat aurkezten dugu, ez bisio partzial bat”. Orain arteko ereduaren jarraitzeko, kontzientziazioa, sentsibilizazioa eta heziketa dira gakoak, [...]
Hitzaro Euskara Elkarteak antolatutako VI. Patata tortilla txapelketa Pottoka tabernak (taberna eta elkarteen mailan) eta Asier Muñagorrik (herritarren mailan) irabazi dute. Patata zorro, arraultza dozena eta oliba olio botila bana jaso zituzten saritzat bi irabazleek. San Pedro bezperako erromeriaren barruan egin ohi da txapelketa, eta bertara aurkeztutako tortillekin antolatzaileek pintxoak egiten dituzte, eta sagardo upela jarri ere bai. 19:00etan erromeria egin zuten Jakintza dantza taldeak gidatuta, eta iluntzean sua piztu zuten.
Igandean, uztailak 1, Ordiziako Idiazabal Gaztaren Kofradiak 23. kapitulua ospatuko du. Ohorezko bost kofradiakide berri izendatuko dituzte, eta ondoren, Zubibi jatetxean bazkalduko dute denek. Ordiziako Idiazabal Gazta Kofradiaren jardunaz eta azokaren 500. urteurrenaren harira egiten ari diren ekimenei buruz hitz egin du Jesus Mari Ormaetxea kofradiako lehendakariordeak (Ordizia, 1949). Orain arteko artzaintza ereduak irauteko, gaztaren prezioa bikoiztu egin beharko litzatekeela uste du, “bestela desagertu egingo da”. Goierriko Hitzak bihar argitaratuko du papereko edizioan elkarrizketa osoa. Hona hemen Ormaetxeari jasotako beste zenbait esan: -”Artisau eran egindako gazta zein zen definitu genuen iaz” -”Artzainekin-eta egoten garenean beti esaten diegu haiek egindako gazta 15 euroan ez, baizik eta kiloa 40 euroan saldu beharko luketela”
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
