BKL saskibaloi eta eskubaloi taldeak bi kiroletan dituen talde guztien aurkezpena egin du Antzizar kiroldegian. Haurretatik hasi eta helduetaraino, jokalari eta entrenatzaile guztiak aurkeztu dituzte gurasoen eta jarraitzaileen aurrean. Txalo eta ohiu artean egin diete harrera ikusleek eta gainerako jokalariek talde guztietako kideei, eta zuzendaritzak BKLren partidetara joateko deia egin du, orain arte bezala, jarraitzaileak izango baitira sarri taldeari hauspoa emango diotenak. Grisa eta gorria oinarri hartuta, ekipazio koloretsua dute aurten BKLko jokalariek, eta jantzi dotoreak soinean zituztela egin dute aurkezpena ere. Jokalari eta talde bakoitzari argazkia aterata, taldeko argazkia egin dute amaieran, eta ekitaldia bukatzeko mokadutxoa ere jan dute jokalari, teknikari, entrenatzaile, guraso eta jarraitzaile guztiek. Guztira 10 talde aurkeztu dituzte goizean, kategoria bakoitzetik mutilen talde bat eta nesken talde bat, haurretatik seniorretara. Denboraldia ia hastear dute gazteenek, eta seniorrek ia bigarren partida jokatu dute gaur, larunbata, Urretxun. Neskek datorren astean ekingo diote denboraldiari. Saskibaloi eskola, martxan Taldeak osatzeko oinarria sortu berria duten saskibaloi eskolan du BKL taldeak. Iaz jarri zuten martxan, eta 2.000. urtean jaiotako 80 gaztetxo aritu ziren. Haietatik, nesken eta mutilen talde bana sortu da. Aurten ere saskibaloi eskola martxan jartzeko asmoa dutela jakinarazi dute zuzendaritzatik, eta aurki irekiko dute izen emateko epea. Eskolaren helburua gazteei [...]
Trenasa enpresako langileek elkarretaratzea egin dute CAFen kanpoaldean, Beasaingo lantegiaren sarrera nagusiaren parean. Trenasa CAF enpresaren filiala da, eta langile batzordetik jakinarazi dutenez, euren lana “%100ean CAFen menpe dago”. Trenasako zuzendaritzak 58 familiari eragiten dion Enplegua Berregituratzeko Plana jarri zuen martxan martxoan, irailera arte iraungo zuena. Orain, ordea, luzatu egingo du plana, eta hori salateko neurri gehiago hartu behar izan dituztela azaldu dute: “Gure lana %100ean CAFen esku dago, eta gure zuzendaritzak ezer egiten ez duela ikusita erabaki dugu Beasaina etortzea”. Langile batzordeak bost puntuko proposamena aurkeztu dio Trenasako zuzendaritzari Enplegua Berregituratzeko Plana geldi dezan. Astean 35 orduko lanaldira hurbilduko den murrizketa proposatzen dute langileek, eta CAFek egiten dituen kofre guztiak Trenasan egin ditzala exigitzea eskatzen dio zuzendaritzari. Trenasako langileak CAFeko beste sekzio batzuetan berrantolatzeko aukera azter dezan ere eskatzen du langile batzordeak, eta 2013ko martxora arte baja inzentibatu boluntarioak onartu ditzala.
Angel Amigok ekoitzi eta Patxi Barcok zuzendutako Dragoi ehiztaria filma euskaraz ikusi ahalko da asteburuan Ordiziako Herri Antzokian. Borroka armatua zalantzan jartzen duen ETAko kide izandako pertsona baten bizipenak kontatzen ditu filmak. Euskaraz...
Gipuzkoako Foru Aldundiak itxi egingo du, bihar, N-1 errepidera sartzeko Senpereko bidegurutzeko adarra. Lazkao-Beasain lotunean, hala, ezingo da Donostiarantz hartu autobidean (N-1-419-S bide adarra). Zirkulazioarentzat itxita egongo da, bihar, 06:30e...
Lazkaoko Lapke pilota elkarteak haurrentzat antolatu duen herriko txapelketa bihar bukatuko da, San Migel egunarekin. Lau final jokatuko dituzte, adinka bereizita, 12:00etatik aurrera plazako pilotalekuan. Gazteenetik zaharrenera, honako neurketak izango dira: Unax Navarro eta Jairo Carrasco, Beñat Zubizarreta, Manes Oses eta Ioritz Mujikaren aurka (2005-2004koak). Elene Atin eta Aitzol Lasa, Iñaki Berasategi eta Oier Larrañagaren aurka (2003-2002-2001). Ander Ruiz, Arkaitz Baztarrikaren aurka (2000-1999). Aitor Azkonobieta, Beñat Garmendiaren aurka (1998-1997-1996).
Joan den igandean, hilak 23, Euskadiko urpekoen distantzia luzeko txapelketaren 4. jardunaldia jokatu zen Santurtziko portuan, eta junior-senior mailan OKEU urpekoak taldeko Juan Jose Garin izan zen irabazlea (18:33), eta talde bereko Gurutz Gorostizu hirugarren sailkatu zen 19 minutu eta 27 segunduko denborarekin. Haur eta kimuen mailan, berriz, Ordiziako urpekoetako Josu Goiak hirugarren postua lortu zuen, haren lehen zeharkaldian. Urpekoen zeharkaldian zazpi klubetako ordezkariek hartu zuten parte: Mollarri (Zarautz), APSAS (Donostia), Izurde (Hondarribia), Igarondo Urpekoak (Tolosa), Reala (Donostia), Aketxe (Bilbo) eta Ordizia Urpekoak. Junior-senior mailetako igerilariek 2.000 metroko zeharkaldia osatu behar izan zuten, eta haur eta kimuek 1.000 metrokoa. Euskadiko ligaxkako 5. zeharkaldia urriaren 20an jokatuko da Donostian.
Udazkeneko kultur eskaintza ondo beteta dator aurten. Izan ere, urteroko Udazken kulturalaren egitarauari, Usurbe antzokiko eskaintza berritua gehitu zaio. Udal ordezkariek azaldu dutenez, datozen hilabeteetako egitaraua osatzerako garaian, «kultur adierazpide eta diziplina guztiak» izan dituzte kontuan. Herriko hainbat elkarteren laguntzari esker, denen artean «egitarau zabala» osatu dutela uste dute. Udazken kulturalaren barruan, urteroko ekitaldiek izango dute tokia; baina «urtez urte ekitaldi berriak ate joka» etortzen direla azaldu du Aitor Larburu zinegotziak. Tartean, 36ko gerrako memoria historikoa berreskuratzeko taldeak antolatu duen hitzaldia eta omenaldia aipatu zituen. Beasainen fusilatutakoak azaroaren 10ean omenduko dituzte; aurretik, ordea, azaroaren 7an, Pako Etxeberria Aranzadiko kideak eta Iñaki Egaña historialariak gau beltz hartan gertatutakoa izango dute hizpide. Baina kultur molde eta gustu ezberdinak ez ezik, adin guztietako jendearentzako moduko ekitaldiak egiten saiatu dira. Gazteei dagokionean, Jazpana Fest jaialdia azpimarratu zuen Larburuk; «urtez urte arrakasta handia izaten ari da, eta aurten gainera, lehen aldiz, JazpanArt arte erakusketa ere egingo dute». Azkenik, urriaren bukaeran eta azaroaren hasieran, udazken garaiko urteroko ekitaldiak izango dira; hala nola, Beasaingo paperak liburuaren aurkezpena, odolki kofradiak antolatzen duen eguna edota errezil sagar nahiz barazkien lehiaketak. Zinea, eskaintza berrituta Udazken kulturalarekin batera datorren berrikuntza nagusietako bat, ordea, Usurbe antzokiko eskaintza berria izango da. Koldo Agirre alkatearen hitzetan, «normalizazio baten [...]
Partida gogorra izan da gaurkoa Ampo Ordiziarentzat. Gernikarrak indartsu etorri dira eta, batez ere bigarren zatian, bi taldeen arteko aldea nabarmena izan da: 16 eta 34 galdu dute ordiziarrek Altamiran. Gogotsu zeuden Axio Arañaren mutilak Gernikari aurre egiteko, baina bizkaitarrek merezita irabazi dute. Bigarren zatian, 0-25ekoa izan da Gernikakoek lortu duten aldea. Hasiera ona izan dute ordiziarrek, partida hasi eta segituan aurretik jarri baitira Krollen bi zigor kolperi esker (6-0). Itxura guztien arabera, Ampo Ordiziakoak izan behar ziren etxean historia egin behar zutenak, baina bizkaitarren lan onak ez die utzi. Zortzigarren minutuan 6-3koa etori da, Cusackek egindako drop bati esker, eta 12.minutuan etorri da seinako berdinketa, Cusackek berak egindako zigor kolpe batekin. Lehen zatia amaitu aurretik, aurretik ziren ordiziarrak (16-9), baina bigarren zatia hasi orduko berdindu dute berriz gernikarrek. 45. minututik aurrera bizkaitarren nagusitasuna areagotu egin da eta partida bukatzeko minutu baten faltan bonusa lortu dute. Azkenean, 18 puntuko aldearekin amaitu da partida. Jarrera kontua Axio Araña entrenatzaileak funtsezko jokalari batzuen jarrera faltari egotzi dio gaurko hutsa. Atsedenaldian gogorarazi die jokalariei aurkaria gaur egungo ligako talderik onena dela, eta aurretik joan arren “edozer” gerta zitekeela, eta asmatu du. Aizpurua jokalari gazteak eta Joanes Aierbe kapitainak egin duten lan ona ere [...]
Urriaren 21eko hauteskundeei begira EH Bilduren programa aurkezteko ekitaldia egin dute Ordizian. Julen Agirre (ezker abertzalea), Belen Maiza (EA) eta Mikel Leunda (Aralar) izan dira programa aurkeztu dutenak, eta hauteskunde hauek duten garrantzia, EH Bilduk hartuko dituen konrpomisoak eta koalizioaren ardatzak eta proposamenak azaldu dizkiete ordiziarrei. Agirreren arabera urriaren 21eko hauteskundeak “hauteskunde historikoak dira”, eta “ematen den testuinguru politiko eta ekonomikoan aparteko garrantzia hartzen dute”. Hori azpimarratzeko, lau arrazoi eman ditu Agirrek: “Soberanistek eta abertzaleok zer nolako indarra dugun erakusteko aukera” da hau Agirreren arabera. Alderdi tradizionalak koalizioaren “olatua” erortzen noiz hasiko den “zain” daudela ere gaineratu du Agirrek, baina EH Bilduk “biltzen jarraitzeko duen indarra” azpimarratu du ezker abertzaleko kideak. “Espainiako kateekin apurtzeko” garaia dela ere nabarmendu du Agirrek, “Espainia lurralde antolamendurako eredua krisi sakonean sartuta” dagoelako. Hala, “soberanian sakontzeko” deia egitendu EH Bilduk. Egungoa “eredu kapitalistaren krisia” dela ere aipatu du Agirrek Ordizian. Horren aurrean EH Bilduk epe motzera eta luzera begira dtuen “alternatibak” aipatu ditu, baina horretarako “botere instituzionala behar” dutela adirazi du ezker abertzaleko kideak. Indar hori, ordea, herritarrena dela esan du Agirrek, eta norbanako bakoitzaren esku dagoela krisi kapitalistari aurre egitea eta “bestelako ereduak eraikitzea”. EH Bilduk “gatazkaren konponbidean urratsak emateko” dituen aukerak aipatu ditu [...]
Kontsumo jasangarria bultzatzea helburu duen Ekobira azoka egin dute gaur Beasainen. Produktu ekologikoen ekoizleak, eskulangileak, material birziklatuarekin lan egiten dutenak eta energia berriztagarrien sektoreko enpresek parte hartu dute. Gernika pa...
San Migel jaiak baliatuz, lehen Basherri Eguna ari dira egiten gaur Lazkaon. Aterkipean bada ere, hainbat herritar gerturatu da goizean plazara, bertan zeuden animaliak ikusi, herriko nekazarien produktuak erosi eta ia askorentzat arrotzak diren lanbideak ezagutzera. Udaletxeko arkupeetan nekazaritzako tresna zaharrak jarri dituzte, eta tartean artoa nola txikitzen zen ikusteko aukera dago. Kultur etxean, berriz, herriko baserrin inguruko erakusketa dago, baserri bakoitzari buruzko datuekin eta duten ekoizpenari buruzko informazioarekin. Plazan herriko baserrietako produktuak daude, erdian animaliak eta estalpe azpian baratzeko produktuak. Eta hau guztia, baserritarren “lan etengabea eta garrantzitsua” aitortzeko, lazkaotarrek herriko baserrietan “zer nolako aniztasuna eta aberastasuna” dagoen jakin dezaten, herritarrek garaian garaiko produktuak erosteko aukera izan dezaten eta horiek erosteko ohitura har dezaten eta herriko baserrien inguruan herritarrei informazioa emateko.
Produktu jasangarrien Ekobira azoka egingo dute bihar, larunbata, Beasainen. Kutxaren Ekoguneak bultzatutako ekimena da, eta Gipuzkoako 10 herritan egingo dute aurten; Goierriko herri bakarra da Beasain. Azoka horren helburua, kontsumo jasangarria eta ...
Legorretako Ugaro herri ikastetxeko ikasle talde batek astebeteko egonaldia egingo du, datorren astean, Salamancan (Espainia). ‘Eskola ibiltariak’ programaren barruan, Salamanca hiria eta herrialdea ezagutuko dituzte. Nafarroako eta Granadako (Andaluzia) beste talde banarekin joango dira legorretarrak. Lehen Hezkuntzako 5. eta 6. mailetakoek parte hartuko dute, Maribe Goiburu irakaslearekin.
Legorretako Kultura Batzordeak eta Kutxa Gizarte Ekintzak pilates ikastaroa antolatu dute. Astelehenetan eta asteazkenetan izango dira saioak, Ugaro eskolako soinketa gelan, 18:30etik 19:30era. Urriaren 15ean hasiko da, eta maiatzaren 13ra arte jarrait...
Zaldibiako txirrinduzaleek proba herrikoia dute, bihar, larunbata. Pontzio Memoriala lasterketa jokatuko da, 11:00etan hasita. Herriko plazatik abiatu, inguruan kilometro batzuk osatu berotzeko, eta jarraian Larraizko maldari ekingo diote. Hamar bat kilometroko saioa izango da. Herritarren arteko “lehia sanoa eta txirrindularitza bera” bultzatzea dira probaren eginkizunak. Irten nahi duen edonorentzat zabalik dago.
Ikasturte berrian ere Txilibutxof Aisialdi Taldean parte hartzeko aukera eskainiko zaie DBH ikasten duten gaztetxoei. Izena emateko aukera gaur izango dute, Seroretxean, 17:00etatik 19:00etara. Urriaren 6ko goizean Txilibutxofek Boluntario Eguna dela e...
Gaur iluntzean, 20:30ean, kluben arteko txapelketako partidak izango dira Zumarragako Beloki pilotalekuan. Hiru norgehiagoka jokatuko dira, hain zuzen ere.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
