Gaztea karting lehiaketa Olaberriko zirkuituan jokatuko da
Gaztea irratiak karting kopa antolatu du, eta Olaberriko zirkuituan garatuko da, irailaren 14tik 29ra bitartean. Hamasei urtetik gorako gazteek parte hartu ahalko dute, inskripzioagatik 15 euro ordainduta. Izena irratiaren webgunean eman liteke (www.ei...
Gaztea irratiak karting kopa antolatu du, eta Olaberriko zirkuituan garatuko da, irailaren 14tik 29ra bitartean. Hamasei urtetik gorako gazteek parte hartu ahalko dute, inskripzioagatik 15 euro ordainduta. Izena irratiaren webgunean eman liteke (www.eitb.com/gaztea).
Kart «bizkorrekin» jokatuko da lehiaketa, 390 zentimetro kuboko ibilgailuekin. Parte-hartzaileek hamarna minutuko bi txandatan aritzeko aukera izango dute, eta itzuli azkarreneko denbora-marka hartuko diete aintzat.
Sailkatze fasea, ostiraletik
Lehiaketaren lehen fasea lau egunetan jokatuko da: irailaren 14an eta 15ean, eta 21ean eta 22an. Arratsean hasi, eta gauerdira arte ibiliko dira partaideak, 18:00etatik 00:00etara.
Sailkatze galbahea 30 gidarik igaroko dute. Finalaurrekoa irailaren 29an jokatuko da, baita finala ere. Gabonetan, Andorran bost eguneko egonaldia da saria. Azken egun horretarako festa antolatu dute, Oihan Vega dj-arekin.
