CAFeko langileek manifestazio jendetsua egin dute bosgarren protesta egunean
CAFeko langileen protestak lantokiko produkzio lerro guztiak geldiarazi ditu, bosgarren egunez; aurrekoetan bezala, gaur ere launa orduko geldialdiak egin dituzte. Geldialdiaz gain, protesta kalera atera dute berriz ere, Ordiziako kaleetan barrena manifestazio jendetsua eginez. Ehunka lagun atera dira kalera, azoka eguna zela aprobetxatuz, “Gaurko borroka, biharko enplegua, ERErik ez” zioen pankartaren atzean. Zuzendaritzak «EREaren aldeko jarrerari eutsi» egiten diola salatu dute sindikatuek, nahiz eta haien ustez, alternatiba errealak aurkeztu dituzten. Bihar berriz, protesta Donostiako kaleetara eramango dute; autobusa 09:00etan abiatuko da CAFetik. Manifestazioa berriz, 10:30ean hasiko da, eta autobus geltokitik Boulebarrera arteko bidea egingo dute. Langileei “bizkarra emanda” Bere aldetik, ESK sindikatuak azaldu duenez, «CAFeko zuzendaritzak bizkarra eman die langileei eta gizarteari». Egungo zuzendaritza enpresaren kargu duela bi hamarkada egin zela gogorarazi dute, euskal kutxen eta euskal erakundeen babesarekin. Azken urteetan, 5.000 milioi euroko eskaera zorroa eta 93 milioi euroko etekinak izan dituela ere ekarri dute gogora. Zuzendaritzak, «Madrilgo gobernuak onartu duen lan erreformari probetxua atera» nahi diola uste dute, «diru bat aurrezteko, diru publikoaren eta hainbat pertsonen langabeziaren kontura». Hala, zuzendaritzak «etekin soilak bilatzeko bideari ekiten badio, ez litzateke harritzekoa izango epe ez oso luzean langile kopurua murriztu nahi izatea, CAFeko langileekin eta gizarte osoarekin hartutako konpromisoa alde batera utziz». [...]
CAFeko langileen protestak lantokiko produkzio lerro guztiak geldiarazi ditu, bosgarren egunez; aurrekoetan bezala, gaur ere launa orduko geldialdiak egin dituzte. Geldialdiaz gain, protesta kalera atera dute berriz ere, Ordiziako kaleetan barrena manifestazio jendetsua eginez. Ehunka lagun atera dira kalera, azoka eguna zela aprobetxatuz, “Gaurko borroka, biharko enplegua, ERErik ez” zioen pankartaren atzean. Zuzendaritzak «EREaren aldeko jarrerari eutsi» egiten diola salatu dute sindikatuek, nahiz eta haien ustez, alternatiba errealak aurkeztu dituzten. Bihar berriz, protesta Donostiako kaleetara eramango dute; autobusa 09:00etan abiatuko da CAFetik. Manifestazioa berriz, 10:30ean hasiko da, eta autobus geltokitik Boulebarrera arteko bidea egingo dute.
Langileei “bizkarra emanda”
Bere aldetik, ESK sindikatuak azaldu duenez, «CAFeko zuzendaritzak bizkarra eman die langileei eta gizarteari». Egungo zuzendaritza enpresaren kargu duela bi hamarkada egin zela gogorarazi dute, euskal kutxen eta euskal erakundeen babesarekin. Azken urteetan, 5.000 milioi euroko eskaera zorroa eta 93 milioi euroko etekinak izan dituela ere ekarri dute gogora.
Zuzendaritzak, «Madrilgo gobernuak onartu duen lan erreformari probetxua atera» nahi diola uste dute, «diru bat aurrezteko, diru publikoaren eta hainbat pertsonen langabeziaren kontura». Hala, zuzendaritzak «etekin soilak bilatzeko bideari ekiten badio, ez litzateke harritzekoa izango epe ez oso luzean langile kopurua murriztu nahi izatea, CAFeko langileekin eta gizarte osoarekin hartutako konpromisoa alde batera utziz».
Hori guztia dela eta, erakundeei, Kutxabanki eta Adegiri zuzendu zaie ESK sindikatua, CAFeko zuzendaritzarekin hitz egin eta lan erregulazioa bertan behera utz dezala eskatu diezaioten.