Beasaingo landa eremuko auzoetan zabor edukiontziak erretiratu eta birzikla guneak martxan jarriko dituzte. Atzo hasi ziren orain arte han-hemenka sakabanatuta zuden edukiontzi berdeak erretiratzen. Auzoetan zeuden edukiontzi berdeen ordez, hondakin ezberdinentzako birziklatze guneak erabili beharko dituzte hemendik aurrera landa eremuko bizilagunek ere.
Hemendik aurrera, auzo hauetako bizilagunek hondakin bakoitza dagokion edukiontzian bota beharko du. Hondakin organikoa eta material birziklagarriak erefusarentzako edukiontzi grisean botatzea debekatuta dagoela gogorarazi dute Beasaingo Udaletik. Birziklatze gune hau garbi eta txukun mantentzeko ere eskatzen dute. Inork zalantzarik izanez gero, edo konpostagailurik ez badu, Sasietako telefono honetara deitu dezake: 943 16 15 55.
Gogoratu, bestalde, Beasaingo kaleetako edukiontzi marroiak erabiltzeko kanpaina aste honetan egiten ari direla, plazan. Gaur 16:00etatik 19:00etara egongo dira plazan, bihar 09:00etatik 13:00etara eta ostegunean 16:00etatik 19:00etara ere egongo dira, informazioa ematen eta organikoaren edukiontzi handia irekitzeko txipa duten txartelak eta etxerako edukiontzi marroiak banatzen.
