Gaintzan bide bat auzolan bidez prestatuko dute
Gaintzako Udalak auzolanerako deialdia egin die herritarrei, biharko, Gaintzako bide bat garbitzeko. Agerre-Dendaletxe baserrietatik Zaldibiara doan bidea asfaltatzeko asmoa dago, eta ur-erretenak egin ahal izateko bazterrak garbituko dituzte auzolanean. Bihar 08:00etan Agerre-Dendaletxe atarian elkartko dira. Aitzurra, pala eta eskorga eramateko eskatu dute. Bidea itxita egongo da bitartean. Udalak hamaiketakoa jarriko du.
