Ustezko lapurretagatik gizonezko bat atxilotu du Ertzaintzak Legazpin
Legazpiko enpresa batean hiru pertsona susmagarriren presentziaz ohartarazten dei bat jaso zuen Ertzaintzak ostiral goizaldean. Ingurua aztertzeko asmoz zenbait patruila gerturatu ziren bertara, eta aipatutako enpresa honen barruan 42 urteko gizonezko bat atzeman zuten ezkutatuta. Une hartan bertan atxilotu zuten gizonezkoa, ustezko lapurreta batean parte hartzea egotzita.
Ertzaintzaren iturrien arabera, atxilotuak eta oraindik identifikatzea lortu ez diren beste pertsona batzuk, tona erdi kobre pilatu zuten enpresa barruan, lapurtzeko asmoz.
