Martxoko feria berezia egingo dute asteartean
Urretxun martxoan eta abenduan egiten diren feria bereziek martxari ekingo diete berriz iazko etenaldiaren ostean. Iaz ez zen ez Martxoko ez Abenduko feria berezirik egin, baina udaletik jakinarazi zuten, ez zela behin betiko erabakia izan, momentukoa baino.
Urretxun martxoan eta abenduan egiten diren feria bereziek martxari ekingo diete berriz iazko etenaldiaren ostean. Iaz ez zen ez Martxoko ez Abenduko feria berezirik egin, baina udaletik jakinarazi zuten, ez zela behin betiko erabakia izan, momentukoa baino.
Aurten, berriro ekin diete feria bereziei eta datorren asteartean egingo dute urteko lehendabizikoa, ohiturak agintzen duen bezala, martxoko lehenengo asteartearekin. Feria indartzeko asmoz gainera, berrikuntzak ere egongo dira baserritar batzordearen ekimenez. Hala, idi probetako idiak ikusgai jarriko dituzte plazan, zaldi erakustaldia egingo dute eta emakume baserritarren artean saski baten zozketa ere bai, besteak beste.
Gainerakoan, jarraian duzue prestatu duten egitaraua osorik:
– 15:00etan; feria eta baserritarren topagunea Gernikako Arbola plazan.
– 16:00etan; Urretxuko eta Zumarragako idi gazteen erakusketa, Egoitz Armaolearen eskutik.
– 17:00etan; fruta arbolen zozketa bertaratzen diren guztien artean. Bertako produktuez osatutako saski baten zozketa emakume baserritarren artean.
– 18:00etan; Idi proba Iñaki Irigoras eta Iñaki Lopetegiren idiekin eta Berroetako zaldien erakustaldia, Urretxuko probalekuan.
The post Martxoko feria berezia egingo dute asteartean appeared first on Otamotz.
