Stock eta kale azoka ari dira egiten Ordizian
Ordizian merkatari elkarteak antolatuta stock eta kale azoka ari dira egiten Ordizian. Herriko eta inguruetako denda ugarik postuak jarri dituzte Plaza Nagusian, eta Ordiziako beste hainbat dendek eta komertziok denda barruko salgaiak atarira atera eta kale azoka antolatu dute.
Atzo arratsaldean hasi zen aukeren azoka Ordizian, eta gaur arratsaldean ere egongo da prezio onenetan salgai jarritako produktuak erosteko aukera. Arratsaldean 16:30ean ekingo diote berriro arropak, oinetakoak, berokiak… saltzeari, eta 20:00etan emango dute bukatutzat azoka. Erosle guztien artean, gainera, 100 euroko hiru erosketa bale zozkatuko dituzte.
Stock eta kale azokarekin lotuta, haurrentzako parkea ere jarri dute Ordizian, Beti Alai pilotalekuan. Gaur arratsaldean 17:00etatik 20:00etara egongo da irekita parkea eta bihar 11:00etatik 14:00etara. Jumpinga, puzgarriak, txokolate jana… daude parkean. Egun osorako sarrera 3 euro ordaindu behar da.
