Dantzari Txiki Eguna ospatu zuten atzo 450 haurrek Beasainen
450 haur inguruk parte hartu zuten atzo Beasainen ospatu zen Dantzari Txiki Egunean. Eguraldi txarragatik, dantza emanaldia Murumendi ikastetxeko jolastoki estalian egin zen. Honako dantza taldeek parte hartu zuten: Amets-bide (Ordizia), Axari (Idiazabal), Ereintza (Errenteria), Gazte-barri (Dima), Goruntz (Gabiria), Haurtzaro (Oiartzun), Iztueta (Zaldibia), Irrintzi-Alai (Legorreta), Lurra (Urretxu), Oin-arin (Lazkao), Ostadar (Beasain) eta Aurtzaka (Beasain).
