Amets Artzallusek eta Iker Zubeldiak bertso-afaria dute etzi Zaldibian
Goierri Eskolako 2. batxilergoko ikasleek bertso-afaria antolatu dute, Zaldibian. Ostiralean 21:00etan izango da, herri antzokian. Amets Artzallus eta Iker Zubeldia ariko dira bertsotan, afal ondoren. Menua 26 euro kostako da, eta txartelak Joxepanen daude salgai.
Bestetik, Zaldibiako Lardizabal eskolako 5. eta 6. mailetako ikasleek bertso saioa egingo dute, bihar 16:30ean, zineman.
