Gure Esku Dago giza-katerako katebegiak eta eskuak prest daude
http://youtu.be/5zseK9bLT14 Ekainaren 8ko Iruñea-Durango giza-katea egin dadin hamar egun geratzen direnean, Gure Esku Dago ekimenak bildu ditu 123 kilometro eskuz esku helduta osatzeko lain partaide. Gutxienez 50.000 lagun beharko zirela aurreratu zuten hasieran, eta atzo baieztatu zuten badaudela, kopuru zehatzik eman ez arren.
Ekainaren 8ko Iruñea-Durango giza-katea egin dadin hamar egun geratzen direnean, Gure Esku Dago ekimenak bildu ditu 123 kilometro eskuz esku helduta osatzeko lain partaide. Gutxienez 50.000 lagun beharko zirela aurreratu zuten hasieran, eta atzo baieztatu zuten badaudela, kopuru zehatzik eman ez arren.
Jende uholde eta mugimendu handia espero da igandean zortzirako. Atzo, Euskal Herriak autodeterminatzeko eskubidea baduela Eusko Legebiltzarrak ebatzi baino ordu pare bat lehenago azaldu zituen Gure Esku Dago dinamikak hainbat datu: 2.500 lagun ariko dira ekainaren 8an lanean, 700 autobus baino gehiago erabiliko dira, 150 herri batzorde ari dira antolakuntzan.
Ibilbidearen erdi-erdian Goierri egokituko da. Deskarga mutur batean, eta Lizarrusti bestean. Antolatzakuntzako batzordeko teknikoak atzo adierazi zuenez, hain zuzen, Goierriko bi mendate horiek eta Kanpazar antolatzea izan zaie zailena. Autobusak hiru lekutan bilduko dituzte, aurrez jendea kilometroan bertan utzi, eta ondoren ordenean irteteko.
«Ordena beharrezkoa da», errepikatu dute, behin eta berriz. Hala, partaideek zuzenean bere kilometrora joan beharko du. Autobusa hartzeko eskatu dute, nola garraio publikokoa —trenak eta autobusak ugarituko dituzte—, hala herrietatik antolatzen ari direnak. «Autobusak bere kilometroan utziko du jendea, eta eroso ibiliko da horrela. Gainera, autobusek izango dute lehentasuna», esan du batzordeko bozemaileak.
Norbere kotxean doanak, haizetakoan garbi adierazi beharko du zein kilometrora doan. Errepideko zirkulazioa 12:00etatik 12:30era bitartean bakarrik moztuko dute, giza-katea osatuta egongo den denboran. Jendeak 10:00etarako azaldu behar du aurrez izendatutako tokira. Jai giroan, animazioa izango da toki oro.
Mahaia kilometro bakoitzean
Antolakuntzari dagokionez, kilometro bakoitzak bere arduraduna izango du, eta horrek beste bost laguntzaile izango ditu, 200 metroro bat. Bestetik, informazio mahai bana kokatuko dute kilometro bakoitzean, lau lagunekin. Metroa erosi ahalko da, baita elastikoak eta materiala ere. Beraz, kilometro bakoitzean antolakuntzako hamar lagun egongo dira.
Herrietako batzordeen artean banatu dute zatien antolakuntza eta koordinazioa: partaideei harrera egin, autobusak eta autoak aparkatu, eta jendea dagokion lekura bideratuko dute. 12:00etan puntuan, adar hots, bozina edo irrintzi deiadarrek adieraziko dute giza-katea hasi dela. Bukaera, berdin.
Lazkao, festaleku erraldoi bat
Goierrin festa jarraitzeko, Lazkao izendatu dute bost lekuetako bat. 10.000 lagun biltzea espero dute han, 42. kilometrotik 70.erakoak. 13:30ean Goierriko bertso eskolako bertsolariek hasiko dute jaia; Gure esku bidea ekitaldia 14:00etan egin, eta 14:30ean mila lagunentzat bazkari erraldoia izango da. Pailazoak, dantza eta erromeria izango dira, jarraian. Beasainen eta Legazpin ere antolatu dituzte herri bazkariak.
OHARRAK:
Boluntarioak eskatu dituzte Lazkaoko jairako
Ibilbidea igarotzen den herri bakoitzeko lanez gain, Lazkao bost festalekuetako bat izango da. Lan egiteko boluntarioak behar dituzte. Bertan 80 bat lagun bildu dira, eta bilera dute asteartean, 19:00etan, udaletxean.
Herri ekimeneko hedabide asko elkarlanean ariko dira
Ekainaren 8ko giza-katea elkarlanean landuko dute herri ekimeneko 21 hedabidek, tartean Goierriko Hitza-k. Zuzenean jarraituko dute. «Iruditzen zaigu gure komunitateentzat interes informatiboa duen ekimena dela, eta aukera aproposa da hedabideon arteko elkarlana sustatzeko. Apustu berezia egingo dugu, eta kalitatezko jarraipen anbiziotsua prestatzen ari gara», esan dute.
Urkijok errekurtsoa jarri dio aldundiaren laguntzari
Espainiako Gobernuak EAEn duen ordezkari Carlos Urkijok helegitea jarri du Gipuzkoako Foru Aldundiak Gure Esku Dago mugimenduari emandako diru laguntzaren aurka. Abenduan, Bilduk eta EAJk adostu zuten zuten 100.000 euro bideratzea. Urkijoren ustez, erakunde batek ezin du lagundu erabakitzeko eskubidea bultzatzen duen elkarte edo mugimendu bat.
EKITALDIAK:
Antolakuntzari dagokionez, kilometro bakoitzak bere arduraduna izango du, eta horrek beste bost laguntzaile izango ditu, 200 metroro bat. Bestetik, informazio mahai bana kokatuko dute kilometro bakoitzean, lau lagunekin. Metroa erosi ahalko da, baita elastikoak eta materiala ere. Beraz, kilometro bakoitzean antolakuntzako hamar lagun egongo dira.
Herrietako batzordeen artean banatu dute zatien antolakuntza eta koordinazioa: partaideei harrera egin, autobusak eta autoak aparkatu, eta jendea dagokion lekura bideratuko dute. 12:00etan puntuan, adar hots, bozina edo irrintzi deiadarrek adieraziko dute giza-katea hasi dela. Bukaera, berdin.
Lazkao, festaleku erraldoi bat
Goierrin festa jarraitzeko, Lazkao izendatu dute bost lekuetako bat. 10.000 lagun biltzea espero dute han, 42. kilometrotik 70.erakoak. 13:30ean Goierriko bertso eskolako bertsolariek hasiko dute jaia; Gure esku bidea ekitaldia 14:00etan egin, eta 14:30ean mila lagunentzat bazkari erraldoia izango da. Pailazoak, dantza eta erromeria izango dira, jarraian. Beasainen eta Legazpin ere antolatu dituzte herri bazkariak.
OHARRAK:
Boluntarioak eskatu dituzte Lazkaoko jairako
Ibilbidea igarotzen den herri bakoitzeko lanez gain, Lazkao bost festalekuetako bat izango da. Lan egiteko boluntarioak behar dituzte. Bertan 80 bat lagun bildu dira, eta bilera dute asteartean, 19:00etan, udaletxean.
Herri ekimeneko hedabide asko elkarlanean ariko dira
Ekainaren 8ko giza-katea elkarlanean landuko dute herri ekimeneko 21 hedabidek, tartean Goierriko Hitza-k. Zuzenean jarraituko dute. «Iruditzen zaigu gure komunitateentzat interes informatiboa duen ekimena dela, eta aukera aproposa da hedabideon arteko elkarlana sustatzeko. Apustu berezia egingo dugu, eta kalitatezko jarraipen anbiziotsua prestatzen ari gara», esan dute.
Urkijok errekurtsoa jarri dio aldundiaren laguntzari
Espainiako Gobernuak EAEn duen ordezkari Carlos Urkijok helegitea jarri du Gipuzkoako Foru Aldundiak Gure Esku Dago mugimenduari emandako diru laguntzaren aurka. Abenduan, Bilduk eta EAJk adostu zuten zuten 100.000 euro bideratzea. Urkijoren ustez, erakunde batek ezin du lagundu erabakitzeko eskubidea bultzatzen duen elkarte edo mugimendu bat.
EKITALDIAK:
- Ataun. Gaur, 19:00, San Martinen: argazkia ateratzea, niki salmenta, animazioa, pintxoak.
- Beasain. Bihar, 12:00-14:00 (Zubimuzu plazan) eta 18:00-21:00 (Bideluze plazan eta Zubimuzu inguruan), mahaiak: elastikoak, Beasaingo bazkari txartelak eta metroak saltzeko. Bazkari txartelak (15 euro) Basakana, Arrano, Tti-Tta, Batzokia, Irizar eta Antzizarren ere bai.
- Ezkio-Itsaso. Metro salmenta, udaletxean edo antolatzaileek. Bilera asteazkenean, 18:30, liburutegian.
- Gabiria. Igandean, 12:00-14:00, metroa erosteko mahaia.
- Idiazabal. Bihar, 19:30, mosaiko erraldoia, futbito pistan; 20:30, ‘Gazta zati bat’ dokumental emanaldia eta informazio ematea, udaletxean.
- Lazkao. Gaur, 18:30-20:30, plazan, material eta metro salmenta. Herri bazkariko (1.000 lagunentzat) txartel salmenta Giroa, Antsoategi, Zelata eta Oker tabernetan, eta Gerriko liburu-dendan (15 euro).
- Legazpi. Metro salmenta (Gurrutxaga eta Katillu tabernetan). Legazpiko bazkariko txartel salmenta, asteartera arte (Katillu, Oilarra, Gurrutxaga eta Laubide tabernetan). Asteartean, 19:00, kultur etxean laguntzaile boluntarioen bilera.
- Legorreta. Bihar, 13:30-14:30, udaletxe azpian mahaia. Materialik ez dute gehiago salduko.
- Mutiloa. Asteazken arte, autobus eta bazkari txartelak salgai, udaletxean eta Ostatuan.
- Ordizia. Gaur, 19:00, Plaza Nagusian: metroa erosteko mahaia (Mujika liburu-dendan ere bai). Bazkari txartelak (15 euro) Mujikan, eta Kirkil, Orlegi, Herrikoa eta Pottoka tabernetan.
- Ormaiztegi. Gaur, 19:00-20:00, eliza parean mahaia, metroak saltzeko.
- Segura. Gaur, 18:00, plazan festa: flashmoba, kalejira, elastiko eta metro salmenta, jakiak.
- Urretxu eta Zumarraga. Bihar, 12:30, Areizaga-Kalebarren plazatik hasita, bi udaletxeak batzeko giza-katea. Informazio lokala (turismo bulego zaharrean), aste osoan irekita 18:30-20:30 artean, eta larunbatetan 11:00-13:00.
- Zalbidia. Gaur, bihar eta etzi arratsaldeetan, elastikoak eta metroak saltzeko mahaiak.
- Zegama. Niki eta autobus txartel salmenta mahaiak. Gaur eta bihar, 19:00; etzi, 12:00.
