Gaintzan San Martin ospatuko dute, larunbatean bideo emanaldi eta afariarekin
Herriko jai nagusiak ez baldin badira ere, Gaintzan San Martin eguna gogoan izaten dute, urtero. Aurten ere egitaraua prestatu du udalak.
Larunbatean (azaroak 8), afari-merienda izango da, On-Bide elkartearen egoitza berrian. Gaztaina jana egingo dute, kantuz alaiturik.
Aurretik, 20:00etan, Ordiziako txirrindularitza klasikoaren bideoa emango dute. Gaintzatik igaro zen uztailaren 25ean, Zaldibiatik gorako aldapa igoz.
Asteartean, San Martin egunez, meza izango da izen bereko ermitan, 12:30ean. Jarraian, hamaiketakoa egingo dute herritarrek, Oteñe erretegian.
Ordiziako Klasikoan, herriko trikitilariak giroa alaitzen./Gotzon Aranburu
