Aste honetan, Santa Zezilia dela eta, musika ekitaldi asko antolatu dituzte Legazpin. Asteazkenean, 18:30ean,
Las bodas de Fígaro operaren bigarren zatia emango dute kultur etxean. Ostegunean, berriz, Doinua musika eskolako ikasleek kalejira egingo dute. 17:30ean hasiko da. Ostiralean, 22:00etan, bertsolari jaialdia egongo da Latxartegi aretoan. Bertso Olariak elkarteak antolatu du, Goierriko Hitzaren 10. urteurrena ospatzeko. Unai Iturriaga, Onintza Enbeita, Sebastian Lizaso eta Maialen Lujanbio bertsolariek abestuko dute. Bukatzeko, larunbatean, 22:00etan, Benito Lertxundik kontzertua egingo du Urbeltz pilotalekuan.
