Ataungo idazkari izandako Serafin Jaka zena larunbatean omenduko dute
Hogeita hamar urtean lan egin zuen Ataungo udaletxean, eta Agautzen utziko dituzte haren errautsen erdiak
Abuztuaren azkenean hil zen Serafin Jaka zumarragarra. Ataungo Udaleko idazkari-kontuhartzaile izan zen 30 urtean, 1983 ingurutik 2013ra. Gaixotasunagatik lana utzi behar izan zuen iaz, eta gaitz horrek berak eraman du, 61 urterekin. Larunbatean, haren errautsen erdiak Agautz tontorrean utziko dituzte, berak hala eskatuta. Goizeko 11:00ak aldera izango da ekitaldi xumea, omenaldi eta esker emate ukitua izango duena. Lizar arbola bat ere aldatuko dute.
Serafin Jaka, eserita, 1987ko udal hauteskundeetan boto zenbaketan./Hitza
