CAFek sinatu du Herbehereetan lotuta zuen 500 milioi euroko kontratua
CAFek Europan lortutako kontratu handiena bai kotxe kopuruari eta zenbatekoari dagokionean ere
CAF lantegiak kontratua lortu du Herbeeretan. 500 milioi euro baino gehiago. Historiako handienetakoa
CAF lantegiak sinatu du joan den urriaren amaieran esleitu zitzaion kontratua, Herbehereetan NS (Nederlandse Spoorwegen) enpresari Civity motako aldirietako 118 tren hornitzeko kontratua, hain zuzen ere, 500 milioi euro baino gehiagoko kontratua da, eta beste tren batzuekin zabaltzeko aukera ere biltzen du. CAFek Europan lortutako nazioarteko kontratu handiena da proiektu hau, bai kotxe kopuruari dagokionez, bai zenbatekoari dagokionez, eta CAFen historia osoan handienetako bat ere bada.
NS Herebeeretako operadore publikoa da, estatuaren jabetzakoa, eta Europako kontinentean tren-sektoreko enpresa handienetako bat da. CAFek garatutako Civity plataformaren arrakasta frogatzen du proiektu honek.
Trenak Herbeere osoan ibiliko dira “Sprinter” izeneko zerbitzuetarako, eta kontsumo energetikoaren, ingurumen-zaintzaren eta segurtasun-ekipamenduen arloetan aurrerapen teknologiko guztiak izango dituzte. Irisgarritasun errazekoak izango dira eta, horrez gain, mugikortasuna murriztuta dutenentzat prestatuta egongo dira. Lehen trenak Herbeeretako trenbideetan 2018rako zirkulazioan izango direla kalkulatzen dute.
