Bi izendapen lortu ditu Goya zine sarietarako Goenagaren 'Loreak'ek
Goya sarietarako izendatu dute 'Loreak' euskarazko filma. Beste lau filmekin batera lehiatuko da Goenagaren lana. Musika originalaren sarirako bigarren izendapen bat ere lortu duteGoya sarietarako bi izendapen lortu ditu oso osorik euskaraz grabatutako...
Goya sarietarako izendatu dute ‘Loreak’ euskarazko filma. Beste lau filmekin batera lehiatuko da Goenagaren lana. Musika originalaren sarirako bigarren izendapen bat ere lortu dute
Goya sarietarako bi izendapen lortu ditu oso osorik euskaraz grabatutako Loreak filmak. Jose Mari Goenagaren eta Jon Garañoren lanak film onenaren eta musika originalarenaren sarirako izendapena lortu dute.Donostiako Zinemaldian aurkeztu zuten filma irailean; orduz geroztik nazioarteko hainbat jaialditan izan dira eta kritika onak jaso dituzte han eta hemen. Oraingo izendapenak dira jaso duten arrakasta horren lekuko. Aktoreek ere hainbat sari lortu dituzte izan diren jaialdi ezberdinetan. Film onenaren Goya sariarako El Niño, La isla minima, Magical Girl eta Relatos salvajes filmekin nuertu beharko da Loreak. 17 eta 16ekin, lehen biak izan dira izendapen gehien lortu dituzten lanak. Goya sarien historian izendapen gehien lortu dituzten pelikulak dira.
Jose Mari Goenaga zuzendaria pozez gainezka agertu zen atzo izendapenaren berri jakin eta gero. Hala ere, saria lortzeko aukera gutxi ikusten ditu: «Beti egon daitezke sorpresak, baina guretzat ez dago aukerarik». Goenagak La isla mínima eta Magical girl ikusten ditu sari nagusia jasotzeko faborito moduan. Hala ere, «guretzat eta gurea bezalako film batentzat, izen horien artean egotea asko» dela azaldu zuen zuzendariak.
Zufiaurre kanpoan
Fuego filmean egindako lanagatik hautagaien artean zegoen Gorka Zufiaurre aktore urretxuarra. Taldeko aktorerik onenaren kategoriarako hautagaia zen, beste 16 aktorerekin batera, baina ez du aurrera egin. Duela aste batzuk aurkeztu zuten Luis Mariasen Fuego filma.
Azkenik, Goya sarietarako izendatu duten Loco con ballesta laburmetraiaren zuzendari Kepa Sojori saria eman zioten atzo Beasainen Gau Laburren lehiaketa irabazi ondoren.
