Goierriko Gutun Sozialaren talde dinamizatzaileak hitzordua egin du Ordizian datorren asteazkenerako.
Iraultza, edo feminista da, edo ez da iraultza goiburupean egingo dute saioa Josebe Iturrioz feminista ordiziarrak eta Ana Perez Stee-Eilaseko kideak. Barrena kultur etxean izango da hitzaldia datorren asteazkenean, hilak 4, iluntzeko 19:00etan.
Bilbora joateko autobusa
Martxoaren 14rako manifestazioak deitu ditu Bilbon eta Iruñean Euskal Herriko Eskubide Sozialen Karta mugimenduak. Ordiziatik Bilbora joateko autobusa antolatuko dute. Aldaketa soziala orain! Tenemos alternativas! lemapean 17:00etan abiatuko da martxa Jesusen Bihotzetik.
