Iparra eta Hegoa, gereziondoak batuta

Aurten 20. urteurrena ospatu dute

Goierriko Hitza

2015/03/16

Igandean eman zioten amaiera aurtengo Iparra Hegoari. Horretarako, ekitaldi instituzionala egin zuten udaletxean. Bertan, zazpi lurraldeetako euskal herritarren arteko elkarlan bide berriak bultzatzeko ‘Gereziondotik Euskal Herria eraikitzeko bidean’ adierazpena sinatu zuten Gipuzkoa, Lapurdi eta Nafarroa Beheko hautetsiek.

Filipe Aramendi Urruñako zinegotzia adierazpena sinatzen

Eluska Gerriko Segurako Alkatea, Mertxe Aizpurua Udalbiltzako lehendakaria eta Filipe Aramendi Urruñako zinegotzia.

Mertxe Aizpurua Udalbiltzako lehendakaria izan zen ekitaldiaren buru. Haren hitzetan herritarren arteko ezagutza eta harremana behar beharrezkoak dira zatiketa juridiko eta instituzioala gainditzeko.

Hori dela eta, Iparra Hegoa ekitaldia “adibide garrantzitsua” dela azaldu zuen. Segurako alkate Eluska Gerrikok eskertu egin zuen iparraldekoen bisita, «egun bereziak» izaten direla azalduz. Filipe Aramendi Urruñako zinegotzia ere pozik agertu zen bi herrien arteko elkartasunarekin.

Ekitaldi instituzionala amaitzean txaloka hasi ziren aretoan

Arama, Baigorri, Itsasondo, Segura, Ordizia, Udalbiltza eta Urruñako ordezkariek sinatu zuten agiria

Senidetzeak bultzatzearen garrantzia

Segurako plazan landatutako gereziondoa, baita Aiherran, Antzuolan eta Euskal Herriko lurraldeen arteko harremanak irudikatzen dituzten beste zuhaitzak babesteko konpromisoa hartu zuen Udalbiltzak, eta beste asko landa daitezen laguntzea da haien nahia. “Senidetze berriak beste herrietara zabalduz, nazio dimentsioa emanez eta elkarlana bultzatuz”, adierazi zuen Aizpuruak.