Legorretan reggae jaialdi mamitsua egingo dute larunbatean
Gazte-Piku gazte asanbladak reggae jaialdi bikaina antolatu du, larunbaterako, Legorretan. Bost taldek joko dute. Kontzertua 22:00etan hasiko da, plazan kokatuko dute karpan. Sarrera 5 euro kobratuko dute.
Ska, rock eta reggaea uztartzen dituen Skakeitan talde donostiarrak irekiko du jaialdia. Italiako Raphael taldeak jarraituko du. Revolutionary Brothers, King Konsul % Yanu, eta Sustrajah Band taldeek osatuko dute kartela.
Musika giroa larunbat iluntzean piztuko dute Legorretako kaleetan. Mulambo batukada taldeak kalejira egingo du.
Skakeitan talde donostiarreko musikariak./Hitza
