Ikurrina erraldoia zintzilikatu dute Beasaingo Barrendain plazan
Beasaingo Barrendain plazan gaur eguerdian igo dute ikurrina handia. Tren geltokiaren aurreko plazatxoan berrikuntza-lanak egin dituzte, eta biribilgunearen erdian masta bat kokatu dute. Eraikuntza enpresako bost langilek 12:30ean lotu dute ikurrina, neurri handikoa. Mastara lotu bi muturretatik, eta lanbro fin baina etengabe baten pean goraino igo dute ikurrina zabala. Zaku batean ekarri dute ikurrina, eta bertatik pasatzen ari ziren oinezkoen begiradapean zabaldu dute, lurrik ukitu gabe.
Ikurrina handia zabaltzen, Beasainen, gaur./Aimar Maiz
Ikurrina, mastan goraino igota./Aimar Maiz
