Lazkao Txikiri omenaldia egin diote Lazkaon
Lazkao Txiki hil zeneko 22. urteurrenean omenaldia egin diote Lazkaon. Apirilaren 17an Bertso saioa egin zen Lazkaomendiko Lartxai elkartean. Bertan Maialen Lujanbio eta Unai Agirre bertsolariek kantatu zuten, baita Goierriko Bertso Eskolako gazteek ere.
Igandean, apirilak 19, Lazkao Txiki Zelaian omenaldia egin zioten, Gerriko Kultur Elkarteak, Goierriko Bertso Eskolak, Oin Arin Dantza Taldeak eta Lazkao Txiki Musika Eskolak. Herriko bertsolari, dantzari eta musikarien saioak izan ziren.
