Kuadrilla eguna Lazkaon
San Prudentzio jaien azken txanpan sartuta daude lazkaotarrak. Kuadrillen eguna dute gaur, eta alkandora koloretsuz jantzita atera dira kalera lagun taldeak. Eguraldia lagun dute, eta Jainekin txarangaren doinuek ere girotu dute bazkal aurreko poteoa. Gauean, berriz, hainbat kontzertu izango dira Lazkaon. Gozategik kontzertua emango du plazan, 23:00etan, eta txozna gunean Ladislao eta Anestesia taldeak izango dira, 23:30etik aurrera.
Bihar amaituko dira Lazkaoko jaiak. Hainbat lehiaketa izango dira egunean zehar, eta Lazkaok areto dantzen taldearen emanaldiarekin amaituko dute eguna.
Biharko egitaraua: 10:30. Haurrentzako arrantza txapelketa Agauntza ibaian. 11:00. Eskualdeko igeri lehiaketa. 12:00. Bakailao lehiaketa, plazan. 13:00. Urrezko Aizkora, plazan. 16:00. Toka lehiaketa, plazan. 18:00. Dantza suelto txapelketa, plazan. 22:30. Aretoko dantzak Lazkaoko taldearen eskutik.
