Bihar hasiko dira Loinatz jaiak Beasainen

Maiatzaren 24ra arte festa giroa izango da nagusia Beasaingo kaleetan. Herriko musikariak protagonista izango dira festa hauetan

Goierriko Hitza

Beasain

2015/05/14

Bihar gauean joko du Iruzkin Barik taldeak Bideluze plazan.

Bihar, 18:00etan, lehertuko da aurtengo Loinatz jaietako festen hasierako suziria. Murumendi ikastetxeko haurrek izango dute pregoia irakurtzeko ohorea. Bigarren suziriaren leherketa, 22:30ean izango da, Mari sorgina Murumenditik herriko plazara jaisten denean. Ordutik aurrera, musika eta festa non nahi eta noiz nahi izango da Beasainen, maiatzaren 24ra arte. Musika izaten da herriko jaietako elementu garrantzitsuenetako bat. Beasainen era guztietako musika entzuteko aukera izango da. Festetako bi ostiraletan, lehenengo aldiz, Loinatz Musika Eskolako taldeek joko dute. Bihar, Iruzkin Barik taldeak joko du Bideluzen. Unai Miguel (bateria), Eneritz Aldanondo (zeharkako txirula), Maria Ezpeleta (gitarra), Uxue Guridi (trikitia eta ahotsa), Mireia Delgado (teklatua) eta Lierni Olano (zeharko txirula) musikariek osatzen dute taldea. Muxutruk taldea izango da biharko bigarren taldea. Unai Miguel (bateria), Amaia Orbegozo (gitarra), Itziar Orbegozo eta Paula Sukia (trikitia eta ahotsa) eta Goizane Imaz (teklatua) musikariek osatzen dute boskotea. Triki-pop musika egiten dute bi taldeek eta euskal taldeen doinuak kantatzen dituzte. Kanpoko taldeak ere izango dira Bideluzeko oholtzan. Etzi En Tol Sarmiento eta Kaotiko taldeak izango dira. Kuadrillen egunean, berriz, Trikizio taldeak girotuko du iluntze-gaueko giroa. Mozorro egunean, azkenik, Guri5! taldea izango da. Beste berrikuntza bat ere bada: gaztetxoek disko festa izango dute Gernika pasealekuko pilotalekuan. Guzti horretaz gain, txistulariak, elektrotxarangak, trikitilariak eta txarangek alaituko dute giroa. Beasaingo Diana eta Martxa Danborradako doinuetan ere bada berrikuntzarik musikari dagokionean. Batetik, Pello Irizar beasaindarrak Beasaingo Diana partitura berria prestatu du. Bestetik, 20:00etan, Igartzan Beasaingo Martxa joko dute, Musika eskolako bandarekin eta Koskolarekin.

Loinatz eta Narama abesbatzak gaur Igartzan Loinatz abesbatzaren kontzertua ere Loinatz jaietako egitarauaren parte da. Aurten, festa bezperan abestuko du Narama abesbatzarekin batera. Igartzako jauregian izango da, 20:00etan. Zuzeneko musikaren laguntza izango dute. Kontzertu berezia eskainiko du Loinatz abesbatzak. Sorotan Bele taldeko kide zen Mikel Errazkin (in memorian) kontzertua eskainiko dute. Josu Elberdin (Lehenengo geltokian), Javier Busto (Ilargia nun zaude?), Junkal Guerrero (Tornasol) eta Eva Ugalde (Kristalez inguratuta) musikariek moldatutako Errazkin zenaren lau kanta estrenatuko dituzte. Dena den, Xabier Sarasolak zuzentzen duen Narama abesbatzak irekiko du kontzertua. Bost kantako errepertorioa prestatu dute.

Egitaraua egunez egun Bihar, ostirala 16:30. Xake txapelketa. Loinazko San Martin plazan. 18:00. Zanpaldunak Beasaingo joaldun taldea. 18:00. Loinatz jaien hasiera ofiziala danbatekoarekin. 18:30. Beasaingo Ekaitz erraldoien eta buruhandien konpartsaren irteera, Goizeresi txistulari taldearekin eta musika eskolako banda eta txistulariekin. 19:00.Txistor jana, Zubimuzu plazan. Atzegik antolatuta. 19:00. Eskuz binakako pilota txapelketa herrikoiaren finalaurrekoak. Gernikako pasealekuko pilotalekuan. 22:30. Mariren jaitsiera. 23:00. Koskola txaranga eta Ekaitz erraldoien konpartsa. 23:00. Kontzertuak: Musika Eskolako Iruzkin Barik eta Muxutruk eta Workout, Northerm eta The Sinners. Bideluze plazan. Etzi, larunbata 09:00. Goizeresi txistulari taldearekin esnadeia. 09:00. Beasain Jaietan urtekaria salgai jarriko da. 10:00. Meza, Loinazko ermitan. 12:00. Umeen danborrada, Oriako pasealekutik hasita. 12:45. Umeen danborradaren bilkura eta azken joaldia Koskola txarangarekin, Goizeresi txistulari taldearekin eta Musika Eskolako bandarekin. 14:30. Gazte eguneko bazkaria eta Elektrotxaranga, Gernika pasealekuan.Txosna batzordeak antolatuta. 17:00. Gaztetxoentzako jolas eremua. Barandiaran plazan. 19:00. Beasaingo Hiria eta Igartza saria argazki lehiaketetako erakusketa eta sari ematea. Usurbe Antzokiko aretoan. 19:00. Helduen danborrada, Oriako pasealekutik hasita. 20:00. Beasaingo Martxaren joaldia, Igartzan. 22:15. Danborradako konpainien bilkura eta azken joaldia Koskola txarangarekin, Goizeresirekin, Musika Eskolako bandarekin eta Ekaitz erraldoien konpartsarekin. Plazan. 22:00. Disko festa, Gernikako pasealekuko pilotalekuan. 23:00. Nonahi taldearekin dantzaldia, plazan. 23:00.Kontzertua: En tol sarmiento eta Kaotiko. Bideluzen. Igandea 09:00. Heriotzarik gabeko Amuarrain eta barboen arrantza lehiaketa eskualdeko haurrentzako. Igartzako zubian. 10:00. Kalejira Beasain Goizeresi txistulari taldearekin. 10:00. Xake jokaldiak, CAFeko aretoetan. 13:00. Udalbatzaren sokadantza. Plazan. 12:00. Herri kirol jaialdia. Gernikako pasealekuko pilotalekuan. 17:30. Zoozoom kale ikuskizuna. Iturralde plazan. 18:00. Afrikarren eguna Bategitek antolatuta. Plaza azpian. 18:30. Eskuz binakako txapelketa herrikoieko finalak. Gernikako pasealekuko pilotalekuan. 19:00. Artexibu Mozambikeko perkusio eta dantza taldea. 23:00. Kontzertuak: Jimmy Muelles, Apalatxe eta Pimpo, Txosna gunean. 21:30. Kale animazioa Euskorleans Dixie Band taldearen eskutik. Barrendain plazan. 22:30. Su festa musikatua. Igartzako Monumento Multzoan. 22:45. Kale animazioa Euskorleans Dixie Band taldearen eskutik. Igartzan. Astelehena 08:00. Goizeresi txistulari taldearekin esnadeia. 09:00. Prozesioa Andre Maria Loinazko San Martinen basilikara, txistulari eta dantzariekin. Jarraian meza nagusia. 10:30. Erromeria Musika Eskolako trikitilariekin, usadiozko taloak, erroskilak, odolkiak, txorizoa, gazta eta barraskiloak dastatuz. Loinazko San Martinen basilikaren inguruan. 11:30. Lagun taldeen arteko XLIX. Futbol Txapelketako azken partida txarangek alaituta. 11:30. Umeentzako parkea, Barandiaran plazan. 13:00. Kuadrillen irteera Oria eta Incansables txarangekin. 16:00. Umeentzako parkea. Barandiaran plazan. 17:30. Kuadrillen jaitsiera Oria eta Incansables txarangek lagunduta. Barrendain plazan. 18:30. Kuadrillen arteko herri olinpiadak, txosna gunean. 18:00. Indarkeriarik gabeko gunea. Indarkeria sexistaren inguruko informazio gunea. 19:00. Batukada taldea. 19:00. Trikizio taldearekin dantzaldia. Bideluze plazan. 19:30. San Inazioko lagun taldea Oria txarangarekin igoko da Arangoiti egoitzara eta Erretiratuen etxera. 23:00. Dantzaldia Trikizio taldearekin. Bideluze plazan.

Azken elkarrizketak

Azken bideoak

Argitalpen bereziak