Herritarrek gaur erabakiko dute Aldundiaren dirua zertan erabili
Gipuzkoako Foru Aldundiak Partaidetzako Aurrekontuak egitasmoa abian jarri du, bere aurrekontuaren zati baten erabilpena herritarrekin batera adosteko. Urretxu eta Zumarragaren kasuan, bi milioi jarri ditu Goierri garaiko bizilagunen esku. Orain
The post Herritarrek gaur erabakiko dute Aldundiaren dirua zertan erabili appeared first on Otamotz.
Gipuzkoako Foru Aldundiak Partaidetzako Aurrekontuak egitasmoa abian jarri du, bere aurrekontuaren zati baten erabilpena herritarrekin batera adosteko. Urretxu eta Zumarragaren kasuan, bi milioi jarri ditu Goierri garaiko bizilagunen esku. Orain arte egin diren bileretan, herritarrek egitasmoak aurkeztu dituzte eta gaur batzar irekia egingo da horietako hamar aukeratzeko. Ondoren, Aldundiak egitasmoen bideragarritasuna aztertuko du. Bilera 18:30ean izango da, Uggasaren Urretxuko egoitzan: Mugitegi industrialeko C bideko 18. pabilioian. Batzarrean nahi duten herritar guztiek parte har dezakete.
Herritarrek hiru bide eduki dituzte proposamenak aurkezteko: eskualdeko herrietan egin diren bilerak, postontziak eta Internet. Ondoren, Aldundiak egitasmo horiek guztiak aztertu ditu. Batzuk alde batera utzi ditu, bi baldintza nagusiak betetzen ez zituztelako: alde batetik, gaia Aldundiaren eskumenekoa izatea eta, bestetik, eskualde izaera izatea (herri bat baino gehiagotan garatzea). Beste batzuetan, Aldundiak proposamenak elkartu egin ditu, gai berari buruzkoak zirelako. Goierri garaiko bizilagunek 100 proposamen inguru aurkeztu dituzte eta gaurko bileran 61 aztertuko dira.
Herritarrek aurkeztutako proposamenen artean, mota guztietakoak daude: landa bideak, turismoa eta aisia, nekazaritza, landa garapena eta natura, berrikuntza eta ekintzaileak, ingurumena, mugikortasuna, bidegorriak eta errepideak, adinekoak, gizarte politikak, elkartasuna, berdintasuna, euskara, kirola eta kirol instalakuntzak, kultura… Goierri garaiko bizilagunek aurkeztu dituzten proposamen guztiak aurrekontuakhobetzen.eus webgunean daude.
The post Herritarrek gaur erabakiko dute Aldundiaren dirua zertan erabili appeared first on Otamotz.
