Legazpiko Doinua musika eskolako ikasleek kontzertuak emango dituzte
Kontzertuak datorren astean izango dira. Lehen hiruak Latxartegi aretoan izango dira, 18:00etan: 15ean piano eta biolin ikasleek joko dute, 16an piano, klarinete eta saxofoi ikasleek eta 17an gitarra ikasleek. Ekainaren 18akoa ere Latxartegin izango da, baina 19:30ean. Ikasle helduek joko dute. Doinu Eder eraikinean ere bi kontzertu emango dituzte. 15ean, 17:30ean, zeharkako txirula emanaldia egongo da. 17an, 17:00etan, perkusio ikasleek joko dute. Trikitixa ikasleek, berriz, Bikuña jauregian joko dute: 19an, 18:00etan. Bukatzeko, ekainaren 20an ikasle guztiek kontzertua emango dute San Migel elizan. Emanaldia 12:00etan hasiko da.
