San Joan jaiak ospatuko dituzte Otegi enea-Majori auzoan, gaur hasi eta asteartera bitartean. Egitarau betea osatu dute aurten, herri giroko ekitaldi sorta batekin. Arratsaldeko seietan botako dute suziria, eta iluntze partean, haurrentzako krosa, buru handiak eta Goierriko Bertso Eskolako ikasleen saioa izango dira. Gauean berriz, rock kontzertuak izango dira, herriko taldeekin.
Jaien egun handiak, ordea, biharkoa izango da. Besteak beste, sukaldaritza txapelketa, auzo bazkaria eta mus txapelketa izango dituzte; umeentzako berriz, apar festa eta mozorro lehiaketa izango dira arratsalde partean. Igandean eta asteartean jarraituko du festak; zaindariaren egunaren bezperarako, San Joan sua eta su artifizialak antolatu dituzte, besteak beste.
