Gaur hasiko dira Mutiloako festak, patata tortila lehiaketarekin

Toka lehiaketa ere izango da, eta Elustondo anai-arrebek alaituko dute giroa.

Goierriko Hitza

2015/06/25

Pilotalekuan egiten dute sagardo dastaketa. Aurten 24 sagardogile izango dira. / Ane Arrieta

Txerria udaletxeko balkoian jarrita hasiko dituzte gaur Mutiloako festak. Patata tortila lehiaketa egingo dute, 19:30ean, eta ondoren prestatutako tortilak jendearen artean banatuko dituzte. Ardoa ere banatuko dute. Bestalde, 20:00etan toka lehiaketa egingo dute. Bi sari banatuko dituzte: gizonena eta emakumezkoena. Elustondo anai-arrebek girotuko dute iluntzea, trikitiarekin. Bihar sagardo dastaketa Gaur hasi, baina bihar jarraituko dute San Pedro jaiek Mutiloan. Dagoeneko ezaguna egin den sagardo dastaketa izango da bihar. 24 sagardotegik parte hartuko dute, eta taloak eta pintxoak jateko aukera izango da. Afaltzeko, berriz, oilaskoa ere egongo da. Ondoren, Joselu Anaiak taldeak kontzertua emango du. Astebururako ere ekintza ugari antolatu dituzte: haurrentzako jolasak, herri kirolak, kontzertuak… Astelehenean amaituko dira jaiak, paella jatearekin.

Bihar 20:00. Sagardo dastaketa. 23:30. Joselu Anaiak. Etzi Eguerdian. Bazkaldu aurreko poteoa. 14:00. Gazte bazkaria. 17:00. Haurrentzako jolasak eta merienda. 20:30. Meza. 21:00. Herri afaria. 00:30. Guri Bost taldearen kontzertua. Ekainak 28, igandea Goizean. Goiz heresia Segurako txistulariekin. 11:00. Bola lehiaketa. 12:00. Haurrentzako puzgarriak. 12:15. Txakolin dastaketa. 12:30. Gabiriako Goruntz dantza taldearen emanaldia. Eguerdian. Bazkal aurreko poteoa, Elortza eta Larrañaga trikitilariek girotuta. 18:30. Herri kirolak. Aizkoran: Azurmendi, Ugarteburu, Zaldua eta Dorronsoro. Harri jasotzen: Izeta III. Ondoren. Erromeria Elortza eta Larrañaga trikitilariekin. Ekainak 29, astelehena 13:00. Bola jokoa. 13:30. Meza nagusia. 14:30. Paella jatea. Bazkalondoren. Argazki lehiaketako sari banaketa eta jokoak.

Azken elkarrizketak

Azken bideoak

Argitalpen bereziak