Ongi etorria egin diete uda pasatzera etorritako sei haur sahararrei

Hare Haizea elkartearen eta Vacaciones en paz programaren bidez, sei haur saharar etorri dira aurten Urretxu eta Zumarragara. Sei haur horietatik bik lehen aldia dute, gainera. Ekainaren 29an eta 30ean iritsi ziren,

Maialen Igartua

Urretxu,Zumarraga

2015/07/01

Mikel Serrano eta Jon Luqui alkateek eta bi herrietako zinegotziek egin diete harrera, Zumarragako udaletxean. / Maialen Igartua

Hare Haizea elkartearen eta Vacaciones en paz programaren bidez, sei haur saharar etorri dira aurten Urretxu eta Zumarragara. Sei haur horietatik bik lehen aldia dute, gainera. Ekainaren 29an eta 30ean iritsi ziren, eta harrera familiekin biziko dira abuztuaren amaiera bitartean. Urretxu eta Zumarragako udalek ongi etorria egin diete gaur sei haurrei, Zumarragako udaletxean. Mikel Serrano Zumarragako alkatea, Jon Luqui urretxuko alkatea eta bi herrietako zinegotziak izan dira ekitaldian, baita Hare Haizea elkarteko kideak eta haurren harrera familiak ere. Aurten hamahirugarrenez etorri dira haur sahararrak Urretxu-Zumarragara, eta Serranoren hitzetan hori “aberasgarria” da. “Bizitzari beren ikuspuntutik begiratzeko aukera ematen digute”, adierazi du. Luquik, berriz, uda “ahalik eta ongien” pasatzeko esan die haurrei, eta herriko haurrekin integratzeko. Azken urteetan harrera familia gutxiago Hare Haizea elkarteko kideek ere hartu dute hitza gaurko ekitaldian. Haur hauek Tindufeko errefuxiatu kanpamentuetan bizi direla adierazi dute, eta udak han “oso gogorrak” izaten direla, tenperatura altuengatik. Hori dela eta, eskerrak eman dizkiete proiektu honetan parte hartzen duten guztiei, bereziki familiei. Dena den, Hare Haizeak adierazi du azken urteetan gutxitu egin dela harrera familien kopurua, eta jendeari animatzeko deia luzatu diete. Ekitaldiaren amaieran opari txiki bat egin diete haurrei, oroigarri modura.

Azken elkarrizketak

Azken bideoak

Argitalpen bereziak