Ostiralean Aguxtin Alkhat musikariak kontzertua eman zuen Legazpiko Azokan. Mirandaola parkean egin behar zuten, baina Azokara eraman zuten euri arriskua zela eta. Kontzertu hau Uztaila Kulturalaren barne antolatu zuten. Aste honetan ere hainbat ekitaldi egongo dira. Bihar, 17:00etatik 20:00etara, haur eta gaztetxoentzako jolas parkea egongo da Azokan eta plazan. Asteazkenean, berriz, Alemaniako Musikverein Edelweiss orkestrak kontzertua emango du plazan. 19:30ean hasiko da. Lehenago, herriko kaleetan joko du. Ostegunean, 19:00etan, txotxongilo ikukizuna egongo da Laubiden. Eguraldi txarra egiten badu, Domingo Agirreko pilotalekuan egingo dute. Bukatzeko, ostiralean bi ekitaldi egongo dira: 19:30ean antzerkia egongo da plazan eta 22:30ean Ikatza argazkilari elkartekoek bidaiei buruzko ikus-entzunezkoa eskainiko dute Azokan.
