Haur sahararrei harrera egin diete Beasaingo udaletxean
Saada elkartearen bidez lau haur etorri dira Beasaina eta Atauna.
Beste behin ere, haur sahararrak bi hilabete pasatzera etorri dira Goierrira. Guztira hamar haur saharar etorri dira: sei Zumarragara eta Urretxura, hiru Atauna eta bat Beasaina. Azken lau horiei eta beraiek hartu dituzten familiei esker ona adierazteko harrera ekitaldia egin diete gaur eguerdian Beasaingo udaletxean, Aitor Aldasoro alkatea eta Malu Valles zinegotzia bertan zirela.
Beasaingo futbol taldeak eta Gurutze Gorriak opariak eman dizkiete lau mutilei: motxila, baloi eta Beasaingo futbol taldearen kamiseta bana. Gustura jaso dituzte opariak haurrek. Izan ere, Saada elkarteko Ainara Lasak adierazi duenez, haur saharrarak futbolerako bizi dira.
Bi hilabete hauetan basamortuko berotik urrunduko dira Goierrira etorritako haur sahararrak, “igerilekuan, hondartzan eta errekan freskatuz”. Horrekin batera, mediku azterketak egin eta elikadura zaintzeko ere garrantzitsuak dira basamortutik kanpo egindako egonaldia.
Haur sahararrei harrera egin diete Beasaingo udaletxean. Beasaingo, Ataungo eta Saharako argazkiak sailkatu dituzte kartulinetan.
