Adur Casadok eta Ane Arburuak irabazi dute Zumalakarregik zozkatutako oparia
Margo maleta bana jaso dituzte Feillet ahizpen inguruko tailerrean parte hartzeagatik.
Adur Casado eta Ane Arburua sarituak, Ane Arrieta museoko langilearekin. / Zumalakarregi
Erakusketa Zumalakarregi Museoan badago ere, Maleta Didaktiko baten bidez, erakusketako edukia leku batetik bestera ibili da hilabete hauetan Gipuzkoan zehar: zahar etxeak, jubilatu elkarteak, aisialdi taldeak, margo eskolak…
Guztira mila lagun inguruk gozatu dute maleta honetako edukiez, eta horietako batzuetan, bakoitzak bere marrazkia sartu du maletan. Maletan marrazkia sartu zutenen artean, bi margo-maleta zozkatu zituzten aurreko astean. Adur Casado segurarra eta Ane Arburua zumarragarra izan dira sarituak.
