Bihar berriro martxan jarriko dute Legazpitik Zumarragako ospitalera doan autobusa (DG09). Aizkorri, Patrizio Etxeberria eta Santikutz kaleetan, Laubide eta San Inazio auzoetan eta industrialdeko errotondan geldituko da. DG09 autobusaren zerbitzua 07:10ean hasiko da. Bigarren autobusa 07:50ean izango da. Ordutik aurrera, ordu oro egongo da autobus bat, 20:50ak arte.
Larunbat, igande eta jai egunetan, lehen autobusa 07:50ean izango da. Ondoren, ordu oro bat egongo da, 20:50ak arte.
DG09 autobusa martxan jartzearekin batera, DG03 eta DG04 autobusek herrigunean sartzeari utziko diote. Saturnino Telleria kalean eta industrialdean bakarrik egingo dute geldialdia. Bi autobus hauek orain arteko ordutegia mantenduko dute. Autobusen ordutegiak legazpi.eus webgunean kontsulta daitezke.
