Florian Rabensteiner izan da monoziklista onena
Beasaingo Monoziklo Downhill Lasterketan puntako monoziklo gidariak elkartu dira
Florian Rabensteiner italiarra izan da monoziklista onena gaurko Beasaingo proban. Munduko Txapelduna da Rabensteiner eta titulua ondo merezitakoa dela erakutsi du Sagastiguti parketik Bideluze plazaraino egindako hiru jaitsieretan. Bigarren Jakub Rulf txekiarra izan da, 2012an Munduko Txapeldun izandakoa eta hirugarrena Stevie Rabesnteiner italiarra bera ere.
Hamasei lagunek parte hartu dute, puntakoak guztiak, hala neskak nola mutilak. Munduko txapeldunek –Vera Hofer (Italia), Florian Rabensteiner (Italia) eta Rakub Rulf (Txekia)- parte hartu dute, hiru euskaldun ere izan dira lehian –Andoni Medina (Arrasate), JotaPe (Iruiñea) eta Ekhi Congil (Etxarri)–, bestelakoan Austria, Italia, Katalunia zein Madriletik iritsi dira monoziklistak. Monozikloan jaitsi eta furgonetan igo dira kirolariak hiru aldiz ibilbide berbera errepikatzeko. Gurpil Festaren barruan Orekan Bizi Naiz eta Jazpana Fest-ek antolatu dute.
-
- Florian Rabensteiner italiarra probako irabazlea
-
- Puntako monoziklistak: Rulf 2012ko Munduko Txapelduna ezkerrean
-
- Jakub Rulf txekiarra, 2012ko Munduko Txapelduna
-
- Gerald Rosenkrautz austriarra
-
- Ben Soja austriarra
-
- Monoziklista euskaldunak
-
- Helmugan
-
- Ibilbidearen amaieran
-
- Vera Hofer italiarra, Munduko Txapelduna
-
- Andoni Medina arrasatearra Sagastiguti parkean behera
