Monozikloz Herrira egitasmoa Mauleraino iritsi da
Monozikloz Herrira ekimenak euskal hiriburu guztietara zabaldu nahi du sakabanaketaren kontrako aldarria. Asteburuan, 145 kilometro eginda, Donibane Garazira eta Maulera iritsi dira Jon Lekuona eta Beñat Otegi ordiziarrak.
Euskal Herriko hiriburu guztiak monozikloz lotzeko asmoan, pauso berri bat eman dute asteburuan Jon Lekuona eta Beñat Otegi ordiziarrek. Aurretik beste hiriburu batzuekin egin zuten bezala, oraingoan Donibane Garazira eta Maulera iritsi dira. Guztira 145 kilometroko ibilbidea egin dute, «orain arteko gogorrena». Egindako lanarekin eta jendearen babesarekin gustura gelditu dira, ordea.
Lekuona eta Otegi larunbat goizaldeko 03:00etan abiatu ziren Ordiziatik. Tolosa alderako bidea hartu zuten, eta gero handik Leitzara, gero Doneztebe aldera jarraitzeko. Gau parteko zatia ondo egin bazuten ere, gogorrena ondorengo orduetan etorri zen. «Bagenekien ibilbidean lau portu zeudela –dio Otegik– baina ez genituen hainbesteko gorabeherak espero». Elizondotik Baigorrira arteko bidea egin zitzaien zailena. «Desnibel handiko tokia zen, gorabehera askokoa. Gogorrena Erratzuko jaitsiera egin zitzaigun, 24 kilometroko aldapa baita».
Behin ibilbidearen zatirik gogorrena pasata, larunbat iluntzean iritsi ziren Donibane Garazira, 20:30ak aldera. Gaua bertan pasa eta biharamunean jarraitzea erabaki zuten. «Hiru lagun etorri ziren furgonetarekin, laguntza modura».
Igande goizean ekin zioten bidearen azken zatiari, Donibane Garazitik Maulera artekoari, alegia. 08:30ean abiatu ziren Behe Nafarroatik, eta 14:00ak aldera iritsi ziren Zuberoako hiriburura. Azken zati honetan «euri pixkat bat» egin bazien ere, orokorrean gustura daude bidearekin eta eguraldiarekin.
Bidean zehar topo egiten zuten jendearen artean harridura sortzen zutela azaldu du Otegik. Baina babesa ere agertu zien batek baino gehiagok. «Jende askok animatu egiten gintuen bide bazterretik. Txirrindulari batek gurekin igo zuen portu bat, animoak emanez eta zenbat falta zitzaigun esanez».
Euskal preso politikoen dispertsioa salatzeko asmoz jarri zuten martxan Monozikloz Herrira egitasmoa, 2013an. Jon Lekuona Leku ordiziarrak, bere jaioterria eta Iruñea lotzen zituen bidea egin zuen aurrena. Geroztik, beste bi bidaia egin ditu, Beñat Otegi lagun duela, bata Gasteizera eta bestea Bilbora. Hura zen orain arte egindakoetan luzeena (100 km).
Ibilbide bakarra falta
Hasierako asmoa betetzeko bidaia bakarra falta zaie dagoeneko. Beñat Otegik azaldu duenez, orain «Baiona eta Donostia lotu nahi ditugu, bidaia bakar batean». Oraindik datarik finkatu ez badute ere, «ahalik eta azkarren» egin nahi dutela dio, «azaroan edo urtea bukatu aurretik behintzat bai».
Igande goizean ekin zioten bidearen azken zatiari, Donibane Garazitik Maulera artekoari, alegia. 08:30ean abiatu ziren Behe Nafarroatik, eta 14:00ak aldera iritsi ziren Zuberoako hiriburura. Azken zati honetan «euri pixkat bat» egin bazien ere, orokorrean gustura daude bidearekin eta eguraldiarekin.
Bidean zehar topo egiten zuten jendearen artean harridura sortzen zutela azaldu du Otegik. Baina babesa ere agertu zien batek baino gehiagok. «Jende askok animatu egiten gintuen bide bazterretik. Txirrindulari batek gurekin igo zuen portu bat, animoak emanez eta zenbat falta zitzaigun esanez».
Euskal preso politikoen dispertsioa salatzeko asmoz jarri zuten martxan Monozikloz Herrira egitasmoa, 2013an. Jon Lekuona Leku ordiziarrak, bere jaioterria eta Iruñea lotzen zituen bidea egin zuen aurrena. Geroztik, beste bi bidaia egin ditu, Beñat Otegi lagun duela, bata Gasteizera eta bestea Bilbora. Hura zen orain arte egindakoetan luzeena (100 km).
Ibilbide bakarra falta
Hasierako asmoa betetzeko bidaia bakarra falta zaie dagoeneko. Beñat Otegik azaldu duenez, orain «Baiona eta Donostia lotu nahi ditugu, bidaia bakar batean». Oraindik datarik finkatu ez badute ere, «ahalik eta azkarren» egin nahi dutela dio, «azaroan edo urtea bukatu aurretik behintzat bai». 
