Idiazabalen, Seguran, Mutiloan, Ordizian, Beasain, Gabirian eta Zaldibian antolatu dituzte familientzako ekitaldiak.
Mutiloan orientazio jokoa egingo dute bihar.
Urriko asteburuetako Hip Hip Ürri egitasmoa bukaerara iristen ari da, baina datozen bi asteburuetan ere badute familiek Goierrin zertaz gozatua.
Idiazabal
Bihar, Idiazabalen, Goierriko II. Kantu Jiraren barruan, garai batean Aita Iparragirre Herri Eskolan sortutako bertsoak ikasi eta kantatuko dituzte, Idiazabalgo kantu taldekoek eta musika eskolakoen laguntzaz.
17:00etan jarri dute hitzordua.
Euskal Herriko artzain gazta txapelketa ere jokatuko da
bihar Idiazabalen eta Idiazabal gazta mota desberdinak dastatu eta bere ezaugarri desberdinei puntuazioa emanez, gaztarik onena aukeratuko dute. Interpretazio Zentroan
12:30etik 14:00etara eta 15:30etik 17:00etara ariko dira.
Ordizian
Ordizian bi ekintza izango dira
bihar. Batetik,
11:00etan, udal liburutegian, 4-9 urteko haurrak dituzten familientzat ipuinak familia artean izango da, ahozko transmisioa familietan indartzeko. Izena eman behar da: 943 80 56 35.
Bestetik, Antzerkia lantzeko aukera eskaintzen du Urrup antzerki taldeak,
10:00etatik 13:30era eta 16:00etatik 19:30era.
Igandean, berriz, mARTa dendan, eskulan tailerra egingo dute
11:30ean. Helduko 3 euro ordaindu beharko da.
D’Elikatuzen, azkenik, D’Elikatuz mokau batean saioa egingo dute,
12:00etan hasita.
Seguran bisita gidatua
Segurako hiribildua eta landagunea lotuko dituzte
bihar Seguran,
12:00etan eta 16:30ean. Goizean Segura bisitatuko dute eta arratsaldean, Ondarre gaztandegia. Aurretik izena eman behar da: 943 80 17 49 – turismoa@segura.eus. Haurrentzat dohainik da; helduek 15 euro ordaindu beharko dute bi bisitengatik eta gazta dastaketatik. Gaztandegiko bisita 12 euro kostako eta Segurakoa, 5 euro.
Mutiloan orientazio jokoa
Mutiloan Orientazio jokoa egingo dute
bihar 10:00etatik 12:00etara, Bide Berdean barrena. Aurrez izena eman behar da 943 80 04 50 telefono zenbakian. Helduek (heldu bakoitzeko bi haur joan daitezke) 8 euro ordaindu beharko dute.
Gabirian, bihar ibilaldia
Gabirian, bihar 11:00etan, Ugaran bailaran errota, perratokia, sagardotegia eta lixiba lekua ikusteko ibilaldia egingo dute. Izena eman behar da aurrez udaletxean.
Beasainen bisita antzeztua
Beasaingo Igartza monumentu multzoan bisita gidatu antzeztua egingo dute igandean, 12:00etan.
Zaldibian Ardiki eguna
Ardiki eguna ospatuko da igandean Zaldibian. Egun osoan, artilea, mondejuak, gazta… nola egiten den ikusteko aukera izango da, baita zuma nola lantzen den ere.
