Trail eta mendi lasterketak jorratzen dituen
Territorio Trail Radio irratiak antolatutako lehiaketa da Trail Awards. Trail arloko korrikalari eta probarik onenak saritzeko asmoz sortu zuten, eta aurten, bigarren edizioa egingo dute. Lasterketarik onenen sailean, Goierrin egiten diren bi mendi probarik garrantzitsuenak, Zegama-Aizkorri eta Ehunmilak izendatu dituzte.
Lehiaketa hainbat ataletan zatituta dago. Aurtengo berrikuntza, lasterketak bi azpi sailetan banatzea izan da, luzeeraren arabera. Hala, ultra proben kategoriako saria jasotzeko hautagaien artean dago
Ehunmilak proba; harekin batera daude Transgrancanaria, Ultra Pirineu, Transvulcania eta Desafío Somiedo probak. Ultra ez diren lasterketen artean berriz,
Zegama-Aizkorri, Camille Extreme, Gorbeia Suzien, Maratón Isla del Meridiano eta Carrera de Montaña Alto Sil probak daude.
Irabazleak, jendeak emandako botoen arabera aukeratuko dira. Horretarako,
webgunean sartu eta datu batzuk bete behar dira. Botoak emateko epea, azaroaren 30ean bukatuko da.
