Baskonia-Real Madril partida ikusteko irteera antolatu dute Seguran
Segurako gaztelekuak antolatu du irteera hau
Urtarrilaren 3an Segurako Gaztelekutik Baskonia-Real Madril saskibaloi partida ikusteko irteera antolatu dute. Gasteizko Buesa Arena estadioan jokatuko dute arratsaldeko 18:00etan, eta autobusez joango dira Seguratik. Gaur da izena emateko azken eguna. Gaztelekuan bertan eman daiteke, eta prezioa 15 eurokoa da. Jakinarazi dutenez, autobusean lekua gelditzen bada gainerako herritarrei gonbita luzatuko die. 
