Segura Irratiko Bixi-Bixi irratsaioan, Somaliatik etorri eta Legazpin bizi den Abdul Sylla izango dute gonbidatu nagusia. Jon Urdangarin Maizpideko zuzendariak Montevideoko euskaltegiaz hitz egingo du, eta Gorka Azkaratek, Mingainluze lehiaketaz. Bestalde, Jon Agirresarobek, larunbatean egingo duten Bertso Eguna aurkeztuko du. Herrietako albisteek eta ohiko atalek osatuko dute Lierni Elortzak gidatzen duen saioa.
Segurako Hitz edo Irri euskara taldeak eta udalak bultzatutako saioa da Bixi-Bixi. Asteazkenero egiten dute zuzenean, 12:15ean. Errepikapenak berriz, ostegunetan (19:00) eta igandetan (08:00) izaten dira.
