Pettik kontzertu bana egingo du bihar-etzitan Lazkaon eta Ataunen
Juan Luis Perez Mitxelena Petti abeslari eta musikariak (Bera, Nafarroa, 1973) «Goierri Tourra» egingo du, bihar eta etzi, eskualdean. Lazkaoko eta Ataungo taberna banatan kontzertuak joko ditu Pettik, horren ezagun egin duen formatu akustioan eta gi...
Juan Luis Perez Mitxelena Petti abeslari eta musikariak (Bera, Nafarroa, 1973) «Goierri Tourra» egingo du, bihar eta etzi, eskualdean. Lazkaoko eta Ataungo taberna banatan kontzertuak joko ditu Pettik, horren ezagun egin duen formatu akustioan eta gitarra lagun duela.
Lehenengo emanaldia Lazkaoko Oker tabernan egingo du, bihar 22:00etan hasita. Bigarren kantaldia larunbatean da, Ataungo San Martin auzoko Troskaeta tabernan, 22:00etan hasita hori ere.
Pettik datorren urtean hogei urte beteko ditu, bakarlari ibilbidea hasi zuenetik (1997). Bide horretan, bost disko argitaratu ditu: Amets bat (1999), Arrazoiak (2001), Etxeko uzta (2002), On (2007) eta Awañak (2008).
Balerdi Balerdirekin izana
Gaur egun, Balerdi Balerdi taldean gitarra jotzaile ere bada. Duela aste batzuk Ataungo Troskaetan izan zen, talde horrekin. 
