Ormaiztegiko Udalak espaloiak berritzeko lanak egingo ditu Berjaldegi kalean, bihartik aurrera. Hori dela eta, bertako bizilagunei kale horretan dauden kotxe guztiak erretiratzeko eskatu diete, gaur gaueko 22:00ak baino lehen.
Berjaldegi kalea berritzeko hainbat lan egingo ditu udalak. Bizilagunekin zenbait bilera egin eta gero, aparkalekuaren arazoari irtenbidea emateko, parking berri bat egokitzea erabaki zuten. Berjaldegiko zelaian egin dute; dagoeneko asfaltatuta dago eta aparkalekuen marrak ere margotu dituzte; lehen zeuden 10 plazez gain, orain beste hemezortzi jarri dituzte.
Bestalde, Itxune erretegiaren eta kultur etxearen artean dagoen aparkalekua ere asfaltatu dute.
