Koadrillen egun betea ospatzen ari dira Beasainen
Egun handia dute gaur Beasaingo Loinatz jaietan, zaindariaren eguna ez ezik, koadrillena ere ospatzen baitute. Eguerdi partetik aurrera hasi dira blusa koloretsuz jantzitako lagun taldeak kalera ateratzen. Areto futbol txapelketako finalean bildu dira horietako asko. Handik, txarangak lagunduta, herrigunera jo dute, eta poteo eta bazkari garaia dute orain. Goizaldera arte jarraituko du festak; besteak beste, koadrillen arteko olinpiadak eta erromeri giroko kontzertuak izango dira.
